រដ្ឋាភិបាលសិង្ហបុរីនឹងបែងចែកទឹកប្រាក់ច្រើនលើសលប់ពីថវិកាជាតិចំនួនដល់ទៅ ៧០០លាន SGD ឱ្យពលរដ្ឋចំនួន ២,៨លាននាក់។
នៅថ្ងៃទី២៨ ខែកញ្ញា ក្រសួងហិរញ្ញវត្ថុសិង្ហបុរីប្រកាសថានឹងត្រៀមបញ្ជូនសារដល់ពលរដ្ឋសិង្ហបុរីចំនួន២,៨លាននាក់ដែលមាន លក្ខណៈគ្រប់គ្រាន់ដើម្បីទទួលប្រាក់នៅថ្ងៃទី២ ខែតុលា។
តាមThe Straits Times ដែលដកស្រង់សម្តីរបស់រដ្ឋមន្ត្រី Heng Swee Keat ឱ្យដឹងថា អតិរេកថវិកាឆ្នាំហិរញ្ញវត្ថុ២០១៧ របស់សិង្ហបុរីគឺ ៩,៦ពាន់លានSGDប្រមាណ ២,១ ភាគរយ GDP ហើយលើសច្រើនដងប្រៀបនឹងតួលេខកាលពីឆ្នាំមុនដែលគិតថាមានប្រមាណតែ១,៩ពាន់លាន SGD តែប៉ុណ្ណោះ។
អ្នកមានលក្ខណសម្បត្តិគ្រប់គ្រាន់សម្រាប់ទទួលបានលុយនេះត្រូវមានអាយុពី២១ឆ្នាំឡើង ដោយគិតត្រឹមថ្ងៃទី៣១ ខែធ្នូ២០១៨ ។មានកម្រិតផ្ដល់រង្វាន់៣ផ្អែកតាមចំណូលពលរដ្ឋក្នុងឆ្នាំហិរញ្ញវត្ថុ២០១៧។ តាមនោះអ្នកមានចំណូលពី២៨.០០០SGD ចុះទទួលបាន៣០០SGD (ប្រមាណជិត២៥០ដុល្លារអាមេរិក) អ្នកមានចំណូលពី 28.001 SGD-100.000 SGD ទទួលបាន២០០ SGD និងអ្នកដែលមានចំណូលលើសពី១០០.០០០SGD ឬមានយ៉ាងតិចអចលនទ្រព្យមួយគឺទទួលបាន ១០០SGD ។
ក្រសួងហិរញ្ញវត្ថុប្រកាសថា ការកាដូជូនពលរដ្ឋនេះគឺដើម្បីឆ្លើយតបនឹងការសន្យាតាំងពីយូរមកហើយរបស់រដ្ឋាភិបាលអំពី ការបែងចែកសមិទ្ធផលបានមកពីការអភិវឌ្ឍប្រទេសជាតិចំពោះពលរដ្ឋសិង្ហបុរីទាំងមូល។
ពលរដ្ឋអាចទទួលបានប្រាក់ក្រោមរូបភាពច្រើនផ្សេងទៀត ឬអាចមិនទទួល ហើយជូនលុយនេះទៅឱ្យអ្នកដែលលំបាកជាងខ្លួន។
កាលពីឆ្នាំ២០១១ ពលរដ្ឋសិង្ហបុរីប្រមាណ២,៥លាននាក់ក៏ទទួលបានប្រាក់បែងចែកអីរដ្ឋាភិបាលចំនួនពី100-800 SGD.៕
សូយន