ការញ្ជួយដីនៅតំបន់សមុទ្រក្បែរកោះSulawesi ភាគកណ្ដាល Indonesia បង្កើតឡើងជារលកស៊ូណាមិ ធ្វើឱ្យអន្តរាយទីក្រុងPalu ដែលនៅចម្ងាយពីស្នូលរញ្ជួយ៨០គីឡូម៉ែត្រ។
តាម AFP ដែលដកស្រង់សម្តីរបស់លោកRahmat Triyono, ដែលជាប្រធានផ្នែករញ្ជួយដីនិងរលកស៊ូណាមិចំណុះអាជ្ញាធរកាត់បន្ថយគ្រោះមហន្តរាយជាតិ Indonesia ឱ្យដឹងថា៖ រលកស៊ូណាមិដែលមានកម្ពស់២ម៉ែត្របានកើតឡើងនៅទីក្រុងPalu នៃខេត្តSulawesiភាគកណ្ដាល។ ថ្វីត្បិតទឹកសមុទ្របានហូរស្រកចុះវិញ ប៉ុន្តែស្ថានការណ៍ពិតជាចលាចលណាស់។ពលរដ្ឋជាច្រើននាំគ្នារត់ប្រសាចតាមដងវិថី ផ្ទះជាច្រើនរងការខូចខាត កប៉ាល់សមុទ្រមួយគ្រឿងបានត្រូវរលកច្រានឡើងដល់លើគោក។
អាជ្ញាធរឧតុនិយមIndonesia បានប្រកាសអាសន្នពីរលកស៊ូណាមិនៅភាគខាងលិចកោះSulawesi និងភាគខាងកើតកោះBorneo បន្ទាប់ពីការរញ្ជួយដី ហើយសំណូមពរពលរដ្ឋឱ្យចាកចេញពីតំបន់ឆ្នេរសមុទ្រទៅកាន់ទីទួលខ្ពស់។ ប៉ុន្តែនៅរយៈពេល១ម៉ោង សមត្ថកិច្ចបានទម្លាក់សារព្រមានខាងលើវិញ។ សមត្ថកិច្ចនៅពុំទាន់កំណត់បានពីចំនួនអ្នកស្លាប់និងរបួសនៅលើកោះSulawesi នៅឡើយ។
ស្ថាប័នស្រាវជ្រាវភូគព្ពសាស្ដ្រអាមេរិក (USGS) ឱ្យដឹងថា ការរញ្ជួយដីដ៏ខ្លាំងនេះបានកើតឡើងនោះជិតកោះSulawesi ភាគកណ្ដាលឥណ្ឌូណេស៊ី វេលាម៉ោង១៨:០០នាទី ព្រលប់ថ្ងៃទី២៨ ខែកញ្ញា(ម៉ោងតំបន់)។ ស្នូលរញ្ជួយស្ថិតនៅជម្រៅ១០គីឡូម៉ែត្រ៕
សូយន
