នៅថ្ងៃទី២៨កញ្ញា ក្រុមអ្នកស៊ើបអង្កតហូឡង់បានរកឃើញវត្ថុធាតុជាច្រើនសម្រាប់ច្នៃបង្កើតគ្រាប់បបែក ក្នុងនោះមានទាំង ជីអ៊ុយរ៉េ។
វត្ថុធាតុទាំងនេះអាចជារបស់មុខសញ្ញាភេវរកម្ម៧នាក់ដែលត្រូវបានចាប់ខ្លួនកាលពីសប្តាហ៍មុនខណៈវាមានឧបាយកលប៉ុនប៉ងធ្វើភេរវកម្មដោយគ្រាប់បែក។
ក្នុងដំណើរការឆែកឆេរផ្ទះរបស់មុខសញ្ញាសង្ស័យ៧នាក់ខាងលើនៅទីក្រុង Arnhem ប៉ូលិសរឹបអូបបានវត្ថុធាតុជាច្រើន កាំភ្លើងជាច្រើនដើម គ្រាប់បែក ក្នុងនោះមានជីអ៊ុយរ៉េ១០០គីឡូក្រាមផងដែរ។
មុននោះមួយថ្ងៃ ក្រុមអយ្យការហូឡង់ឱ្យដឹងថា សមត្ថកិច្ចប្រទេសនេះបានចាប់ខ្លួនមនុស្ស៧នាក់ជាបុរស ត្រូវបានសង្ស័យថាកំពុងរៀបចំផែនការបង្កការវាយលុកទ្រង់ទ្រាយធំដោយគ្រាប់បែក កាំភ្លើងស្វ័យប្រវត្តិ ព្រមទាំងខ្សែក្រវាត់ភ្ជាប់គ្រឿងផ្ទុះ។ ក្រុមអយ្យការនូវបានប្រកាសថា ពួកជនល្មើសបានស្វែងរកកាំភ្លើងវែងAK-47, កាំភ្លើងខ្លី រំសេវផ្ទុះគ្រាប់បែកនិងវត្ថុធាតុដើម្បីផលិតគ្រាប់បែក។
មុខសញ្ញាទាំងនេះស្ថិតនៅក្នុងវ័យពី២១-៣១ឆ្នាំ ហើយត្រូវបានចាប់ឃាត់ខ្លួននៅទីក្រុងArnhemនិង Weert របស់ហូឡង់បន្ទាប់ពីគេបានធ្វើការអស់រយៈពេលជិត៦ខែកន្លងមក។
ក្នុងចំណោមមុខសញ្ញាខាងលើ មាន៣នាក់បានត្រូវចាប់ខ្លួនពេលកំពុងស្វែងរកវិធីចុះចូលក្រុមឧទ្ទាមនៅបរទេសក្នុងនោះជនល្មើសអ៊ីរ៉ាក់អាយុ៣៤ឆ្នាំធ្លាប់រងការចោទប្រកាន់ថាធ្លាប់បានចូលរួមក្នុងក្រុម IS ។
ប្រភពព័ត៌មានចារកម្មឱ្យដឹងថា ពួកវាមានផែនការបំផ្ទុះគ្រាប់បែកនិងធ្វើការវាយប្រហារដោយកាំភ្លើងសំដៅលើព្រឹត្តិការណ៍ធំមួយដែលមានមនុស្សចូលរួមកុះករ។
ការចាប់ខ្លួននេះប្រព្រឹត្តទៅ៣ខែ ក្រោយពេលដែលបុរស២នាក់ត្រូវបានចាប់ខ្លួននៅ Rotterdam ដោយគេសង្ស័យថាបានរៀបចំផែនការវាយប្រហារនៅបារាំងនិងហូឡង់។
កាលពីសប្តាហ៍មុន ស្ថាប័នភេវរកម្មរបស់ហូឡង់ឱ្យដឹងថា ហានិភ័យនៃការវាយលុកភេវរកម្មនៅប្រទេសនេះត្រូវបានរៀបចូលក្នុងលំដាប់ទី៤នៃកម្រិតគ្រោះថា្នក់ដោយសារភេវរកម្មដែលមានលំដាប់ចំនួន៥នោះ៕
សូយន