បុរសអាយុ ៧១ ឆ្នាំ ម្នាក់ ត្រូវបានវាយប្រហារ និងវ័ធរហូតស្លាប់គួរឲ្យរន្ធត់ បន្ទាប់ពីគាត់ត្រូវបានចោទប្រកាន់ចេញប្រឈមនឹងផ្លូវរបស់សត្វគោឡើងក១ក្បាល ដែលស្នែងទាំងពីររបស់វាត្រូវដុតឲ្យឆេះភ្លើងយ៉ាងសន្ធោសន្ធៅ ។
វីដេអូឃ្លីបដ៏រន្ធត់បានបង្ហាញសត្វគោដ៏ធំមួយក្បាល ស្ថិតក្នុងស្ថានភាពស្នែងរបស់វាត្រូវបានរុំព័ទ្ធដោយបន្ទះឈើ ដែលត្រូវបានគេដុតឲ្យឆេះ ។
បើតាមប្រភពព័ត៌មានបានឲ្យដឹងថា សត្វគោឡើងកនោះបានរត់ឆ្លេឆ្លានៅឯ Rogelio Rodrigo Rodrigo និងបានវ័ធបុរសចំណាស់នោះ ខណៈគាត់កំពុងព្យាយាមរត់គេចនៅក្នុងតំបន់ Jerica នៃទីក្រុង Valencia ប្រទេសអេស្ប៉ាញ ។
ភ្ញៀវទេសចរដទៃ និងអ្នកស្រុក ដែលបានប្រមូលផ្តុំតម្រង់ជួរគ្នានៅតាមផ្លូវ សម្រាប់ពិធីបុណ្យគោឆេះភ្លើង «Bull of Fire» អាចត្រូវបានឃើញមុជចោលយ៉ាងលឿនទៅក្នុងរបង ដើម្បីការពារខ្លួនរបស់ពួកគេ ។
ខណៈសត្វគោដ៏សាហាវនោះ បានរត់ចេញ ភ្លាមៗនោះ ហ្វូងមនុស្សដែលជាប្រុសៗក៏បានស្ទុះមកជួយសង្គ្រោះគាត់ ។ ហើយលោក Rodrigo ក៏ត្រូវបានគេដឹកយកទៅសង្គ្រោះបន្ទាន់នៅឯមន្ទីរពេទ្យ នៅវេលាម៉ោង ២ ព្រឹក ។ ទោះយ៉ាងណា គាត់ក្រោយមកត្រូវបានរាយការណ៍ស្លាប់ដោយរបួសធ្ងន់ធ្ងរពេក ។
ប្រពន្ធរបស់គាត់បានប្រាប់សារព័ត៌មានអេស្ប៉ាញថា គាត់ចូលចិត្តពិធីបុណ្យ bullfighting នេះណាស់ ប៉ុន្តែ ជាធម្មតា គាត់មិនចូលចិត្តយកខ្លួនទៅប្រថុយនឹងគ្រោះថ្នាក់នេះទេ ។
ពិធីបុណ្យនេះ ត្រូវបានលុបចោលបន្ទាប់ពីការស្លាប់របស់គាត់ ៕ ឧត្តម (ប្រភព៖ Dailymail)