ទីក្រុង Palu ត្រូវបំផ្លាញយ៉ាងធ្ងន់ធ្ងរក្រោយការរញ្ជួយដី ៧,៥ រិចទ័រ និងរលកស៊ូណាមិកម្ពស់ ២ម៉ែត្រ ។
សំណង់អគារផ្ទះសម្បែងត្រូវបាក់បែកខ្ទេចខ្ទី ។
ទីក្រុង Palu មានពលរដ្ឋប្រមាណ ៦០០.០០០នាក់ មហន្តរាយបង្កឡើងដោយស៊ូណាមិកម្ពស់ ២ម៉ែត្រ នៅពុំទាន់ដឹងមានកម្រិតប៉ុណ្ណានៅឡើយទេ ។
ស្ថានជាច្រើនត្រូវបានបំផ្លាញ ទីក្រុងសល់តែកម្ទេចបាក់បែក ។
រថយន្តមួយចំនួនត្រូវទឹកច្រានចូលក្នុងអគារនាទីក្រុង ។
ព្រះវិហារអ៊ីស្លាមត្រូវបានកម្ទេចដល់ដី ។ ពិសេសវាចំពេលដែលពលរដ្ឋអ៊ីស្លាមកំពុងចូលប្រណិបត្តិបួងសួង ។
អគ្គិសនីត្រូវកាត់ផ្តាច់ទាំងស្រុង រីឯប្រព័ន្ធទាក់ទងក៏ជាប់គាំង ។ សមត្ថកិច្ចពិតជាប្រឈមការលំបាកជាច្រើនក្នុងប្រតិបត្តិការសង្គ្រោះ ។
តាមAP Reuter គេទើបប្រមូលបានសាកសពជនរងគ្រោះយ៉ាងចិត ៣០នាក់ ។ ចំនួនអ្នកស្លាប់ពុំទាន់អាចដឹង ព្រោះកប់ក្នុងគំនរបាក់បែក ។
សាកសពត្រូវបានប្រទះឃើញគ្រប់ទីកន្លែង ព្រោះតែអគារបាក់សង្កត់ ឬរលកអូសយកទៅ ។ លោក Sutopo Nagroho អ្នកនាំពាក្យស្ថាប័នគ្រប់គ្រងមហន្តរាយជាតិ ឥណ្ឌូណេស៊ីឲ្យដឹងនៅថ្ងៃទី ២៩ ខែកញ្ញាថា ពួកគេកំពុងប្រមែប្រមួលព័ត៌មាន ហើយការសង្គ្រោះពិតជាលំបាកណាស់ ។
អង្គការសហប្រជាជាតិ បានធ្វើការជាមួយរដ្ឋាភិបាលប្រទេសនេះ ដើម្បីត្រៀមជួយឧបត្ថម្ភពេលមានសំណូមពរ ។
លីសា