អ្នកសរសេរអត្ថបទនេះ បានវាយបកថា ៖ សម្តីសេដ្ឋីនេះ គឺជាការ… មាក់ងាយពួកអ្នកមានទៅវិញទេ ។
សម្តីរបស់សេដ្ឋីយួនម្នាក់
សេដ្ឋីរូបនេះ នៅបានបូបាច់ទៀតថា ៖ “ផ្តាច់អ្នកក្រចេញពីអ្នកមាន” “អ្នកក្រមិនអាចរស់ចូលអ្នកមានបាន ព្រោះតែ… តូចចិត្ត” អ្នកមានរស់នៅបានតែជាមួយអ្នកមាន ហើយអ្នកក្របានត្រឹមរស់នៅជាមួយអ្នកក្រតែប៉ុណ្ណោះ…” ។
ស្មេររូបនេះបានផ្អែកលើសម្តីបើកចំហររបស់សេដ្ឋីរូបនោះដោយថា ៖ ពុំអាចទទួលយកបានទេ ព្រោះសម្តីបែបនេះ បានបំពានយ៉ាងធ្ងន់ធ្ងរ ចំពោះកិត្តិយតម្លៃមនុស្ស បំបែកបំបាក់សង្គម បែងចែកវណ្ណៈភាព… ។
គួរកត់សម្គាល់ថា សេដ្ឋីរូបនេះ បានធ្វើការវិភាគសង្កត់ធ្ងន់ដូចខាងលើ ដើម្បីស្រាយបញ្ជាក់ពីទស្សនៈទាននៃជំនួញអចលនទ្រព្យ ។ បើបែបនេះ គួរដែរទេថា គប្បីមានរដ្ឋបាលសម្រាប់គ្រប់គ្រងអ្នកមាន និងរដ្ឋបាលគ្រប់គ្រងអ្នកក្រ? ឬក៏តម្រូវឲ្យមានប្រព័ន្ធគ្រប់គ្រងដោយឡែកៗ ៖ បញ្ញាវ័ន្ត អ្នកមាន អ្នកក្រ កម្មករ កសិករ… ។ល។ បែបនេះ សង្គមនឹងចលាចល ។
អ្នកមានកើតមក ខុសពីអ្នកក្រ ? មិនចេញពីឧទ្ទរម្តាយឬ? ។ តាមទស្សនៈខាងលើនោះគឺសូម្បីតែអគារទំនើប វីឡាស្កឹមស្កៃរបស់លោកក៏ពុំអាចសាងសង់បានដែរ ពញរោះវាត្រូវការបាតដៃញើសឈាមរបស់អ្នកក្រ ។
ក្នុងសង្គមខ្មែរបច្ចុប្បន្នពន្លកនៃបញ្ហាស្រដៀងគ្នានេះកំពុងប្រុងដុះឡើងហើយ ។ យ៉ាងណាក៏សង្ឃឹមថា បើមានមានចុះ មេត្តាកុំមាក់ងាយអ្នកក្រខ្សត់ ខ្វះបាយខ្វះទឹក រកដំបូលជ្រកពុំបាន… ពួកគេក្រមែន តែពុំប្រាកដថា អ្នកមាន “ចិត្ត” ដូចចិត្តដែលពួកគេមាននោះទេ! ៕ ចន្ទ្រា