តាមតួលេខផ្លូវការរបស់រដ្ឋាភិបាល គិតមកទល់ពេលនេះចំនួនអ្នកស្លាប់ដោយការរញ្ជួយដីនិងស៊ូណាមិ កាលពីចុងសប្តាហ៍មុន បានកើនឡើងដល់ ១២០៣នាក់ ប៉ុន្តែនេះពុំមែនជាតួលេខចុងក្រោយទេ ព្រោះកន្លែងច្រើនទៀតក្រុមសង្គ្រោះពុំអាចទៅដល់បាន។
ក្នុងពេលនេះក្រុមអ្នកស្ម័គ្រចិត្តបានរៀបចំរណ្តៅបញ្ចុះសាកសពរួមនៅ Poboya ទីក្រុង Palu ។ ផ្នូររួមនេះត្រៀមទុកសម្រាប់ បញ្ចុះសាកសពមនុស្ស១៣០០នាក់។
តាមAFP រដ្ឋាភិបាលIndonesiaសម្រេចបញ្ចុះសាកសពក្នុងផ្នូររួម ដើម្បីទប់ស្កាត់ការរីករាលដាលជំងឺឆ្លង ។មានរថយន្ដដឹកជញ្ជូន៣គ្រឿង កំពុងធ្វើការប្រមូលសាកសពមកដាក់ក្នុងផ្នូរខាងលើ។
ពេលនេះរដ្ឋាភិបាលIndonesia បានអំពាវនាវដល់សហគមន៍អន្តរជាតិឱ្យពួតដៃគ្នាស្តារផលវិបាកដ៏ធ្ងន់ធ្ងរនៃមហាគ្រោះមហន្តរាយនេះ។
គួររំលឹកថា មុននោះនៅឆ្នាំ២០០៤ ការរញ្ជួយដីនិងរលកស៊ូណាមិ បានប្លន់យកជីវិតមនុស្ស២២.០០០នាក់ នៅក្នុងតំបន់ ដោយឡែកIndonesia ១៦.៨០០នាក់៕
សូយន