កងកម្លាំងឆ្មាំបដិវត្តន៍Iran (IRGC) ប្រកាសថា នឹងវាយប្រហារពីដែនអាកាសនូវគោលដៅមួយចំនួនភាគខាងកើតប្រទេសស៊ីរី ដែលត្រូវបានពួកគេចោទប្រកាន់ថាគឺជាមូលដ្ឋានរបស់ក្រុមបះបោរ ដែលត្រូវទទួលខុសត្រូវចំពោះករណីវាយប្រហារក្នុងពិធីព្យុហយាត្រានៅប្រទេសនេះកាលពីជាងមួយសប្តាហ៍មុន។
តាមទីភ្នាក់ងារសារព័ត៌មាន Fars កងពលអវកាសរបស់ IRGC បានបាញ់បង្ហោះកាំជ្រួចរយៈចម្ងាយមធ្យម Zolfaghar Qiam ដែលមានរយៈចម្ងាយ៧៥០-៨០០គីឡូម៉ែត្រទៅលើគោលដៅមួយចំនួនរបស់ក្រុមឧទ្ទាមដែលបានសារភាពទទួលខុសត្រូវក្នុងការវាយលុកនៃពិធីព្យុហយាត្រានៅIran ថ្ងៃទី២២កញ្ញា ដែលបណ្ដាលឱ្យមនុស្សយ៉ាងតិច២៤នាក់ស្លាប់ ហើយជាង៦០នាក់រងរបួស។
ការវាយលុកសងសឹកនេះប្រព្រឹតិ្តទៅនៅវេលាម៉ោង២ព្រឹក ថ្ងៃទី១ ខែតុលា ។
កងកម្លាំងឆ្មាំបដិវត្តន៍Iran «បាក់អំនួត»ក្រោយករណីរងការវាយប្រហារក្នុងពិធីព្យុហយាត្រា។
ក្នុងពេលជាមួយនោះ តាម Sputnik News ឱ្យដឹងថា Iran បានបាញ់កាំជ្រួចខាងលើចំនួន៦គ្រាប់ ហើយកាំជ្រួចទាំងនោះបានហោះហើរក្នុងរយៈចម្ងាយ៥៧០គីឡូម៉ែត្រមុនពេលធ្លាក់ចំគោលដៅ៕
លីសា