ក្មេងស្រីដ៏ក្លាហានម្នាក់ ត្រូវបានគេកោតសរសើរថាជាវីរនារី បន្ទាប់ពីនាងតូចត្រូវឃើញក្នុងវីដេអូ បានព្យាយាមរារាំងសកម្មភាពចោរប្លន់ប្រដាប់អាវុធ១ក្រុម មិនឲ្យចាកចេញពីកន្លែងប្លន់មួយកន្លែង នៅក្នុងប្រទេសហ្វីលីពីន ។
តាមរយៈវីដេអូពីកាមេរ៉ាឃ្លាំមើល នៅក្នុងបរិវេណលំនៅដ្ឋានមួយ នៅក្នុង Trias ខេត្ត Cavite បានបង្ហាញខណៈពេលដែលបុរស៤នាក់ បានប្លន់បុរសម្នាក់ដោយភ្ជង់កាំភ្លើង និងលួចរបស់មានតម្លៃពីផ្ទះក្បែរនោះផងដែរ ។
ខណៈក្រុមចោរទាំងនេះ កំពុងគេចខ្លួន ចៅរបស់ជនរងគ្រោះម្នាក់ បានរត់តាមបញ្ឈប់ពួកគេ និងសូម្បីគ្រប់គ្រងដង្ហើមយកកាបូបដែលត្រូវបានលួច ផ្ទុកទៅដោយលុយយ៉ាងច្រើន ។
ទោះយ៉ាងណា ក្មេងស្រីដ៏ក្លាហានបានដួល ហើយម្នាក់ក្នុងក្រុមចោរទាំងនោះ បានដង្ហើមយកកាបូបដែលជ្រុះលុយរាយប៉ាយនោះរត់ចេញទៅ ។
នាងតូចបន្ទាប់មក ក៏បានងើបឡើង និងបន្តដេញតាមក្រុមចោរ ដែលកំពុងគេចខ្លួនជាមួយម៉ូតូរបស់ពួកវា ។ ប៉ុន្តែ គួរឲ្យអាសូរណាស់ ដែលនាងត្រូវបានបុកកិនដោយម៉ូតូចោរ១គ្រឿង នៅពេលនាងបានព្យាយាមដង្ហើមយករបស់របរមានតម្លៃរបស់ជីតារបស់នាង ពីដៃចោរ ។
យោងតាម GMA News ក្រុមចោរទាំងនោះអាចគេចខ្លួនដោយសុវត្ថិភាព និងបន្យល់ទុកក្មេងស្រីដ៏ក្លាហានទទួលរងរបួសនៅត្រង់ក្បាលរបស់នាង ។
វីដេអូនេះហេតុការណ៍ប្លន់ដ៏រន្ធត់នេះ កំពុងទទួលការចាប់អារម្មណ៍យ៉ាងខ្លាំង ដោយមានអ្នកទស្សនាជាង១លាននាក់ និងការគាំទ្រលើកទឹកចិត្តរាប់រយ ពីបងប្អូនជាអ្នកលេងអ៊ីនធើរណែត ដែលបានកោតសរសើរចំពោះភាពក្លាហានរបស់ក្មេងស្រីម្នាក់នេះ ៕
ដោយ៖ ចន្ទី
ប្រភព៖ nextshark