បុរសម្នាក់ រស់នៅក្នុងរដ្ឋតិចសាស សហរដ្ឋអាមេរិច ត្រូវបានតុលាការកាត់ទោសឲ្យជាប់គុករយៈពេល ១.០០០ឆ្នាំ ពីបទរំលោភបំពានផ្លូវភេទលើកុមាររីចំនួន ២នាក់។
ជនជាប់ចោទឈ្មោះ Robert Benjamin Franks អាយុ ៣៩ឆ្នាំ ក៍ត្រូវបានកាត់ទោសឲ្យជាប់គុកមួយជីវិតបន្ថែមទៀតផងដែរ និងពិន័យប្រាក់ ១២០.០០០ដុល្លាអាមេរិច ពីបទរំលោភផ្លូវភេទ ការធ្វើវាយដំធ្ងន់ធ្ងរលើកុមារ និងការប្រើពាក្យសម្តីមិនសមរម្យលើកុមារ។
នៅក្នុងសេចក្តីប្រកាស អាជ្ញាធរបាននិយាយថា ជនជាប់ចោទ Franks បានរំលោភបំពាន់លើក្មេងស្រីជាច្រើននាក់ដែលមានទំនាក់ទំនងជាមួយគាត់ អស់រយៈពេលជាច្រើនឆ្នាំមកហើយ។
នៅក្នុងខែមិថុនា ឆ្នាំមុន កូនស្រីចុង អាយុ ៩ឆ្នាំរបស់ជនជាប់ចោទ បានចូលមកធ្វើសាក្សី ដោយនាងបានបញ្ជាក់ថាជនជាប់ចោទ Franks បានធ្វើរឿងគួរឲ្យស្អប់ខ្ពើមលើនាង ខណៈពេលនាងកំពុងនៅផ្ទះ។
ក្មេងស្រីដដែលបញ្ជាក់ទៀតថា Franks បានដាក់ទណ្ឌកម្មនាងដោយទះគូថរបស់នាង និងបានបញ្ជាឲ្យនាង និងបងស្រីនាងម្នាក់ទៀតអាយុ ១០ឆ្នាំ (ទាំងពីរនាក់ជាកូនចុងរបស់ជនជាប់ចោទ) បៀបលិង្គរបស់គាត់។ ជនរងគ្រោះនិយាយទៀតថា Franks បានយកម្រាមដៃលូកចូលប្រដាប់ភេទនាង ប៉ុន្តែគាត់មិនដែលបានរួមភេទជាមួយនោះទេ។
កុមាររីដែលមានអាយុ ១០ដំបូងបានបដិសេធថាមិនមានលោក Franks មិនបានរំលោភបំពានលើនាងទេ ប៉ុន្តែក្រោយមកនាងបានឆ្លើយថាមានការរំលោភបំពានផ្លូវភេទលើនាង ក្រោយពេលមានការពិនិត្យពីអ្នកជំនាញផ្លូវភេទ។ នាងបានឆ្លើយថា លោក Franks បានរំលោភបំពានលើនាងអស់រយៈពេលជាច្រើនឆ្នាំមកហើយ។
នៅក្នុងសវនាការកាត់ទោសកាលពីថ្ងៃច័ន្ទដើមសប្តាហ៍នេះដែរ ក្រុមប្រឹក្សាតុលាការក៍បានស្តាប់ចំលើយរបស់បងប្អូនជីដូនមួយស្រីរបស់ ជនជាប់ចោទ Franks ផងដែរ ដែលនាងបានចោទប្រកាន់ថា Franks បានរំលោភបំពាននាងកាលពីនាងនៅអាយុ ១០ឆ្នាំ (កាលនោះលោក Franks អាយុ ១៤ឆ្នាំ) និងម្តងទៀត កាលនាងអាយុ ១៦ឆ្នាំ ហើយ Franks អាយុ ២០ឆ្នាំ។
នៅក្នុងសវនការ មេធាវីបានថ្កោលទោសចំពោះឧក្រិដ្ឋកម្មដែលជនជាប់ចោទបានប្រព្រឹត្ត៕ សុភ័ក្ត្រ
