សមាជិករដ្ឋាភិបាលជប៉ុនទើបដាក់ពាក្យសុំលាលែងពីមុខតំណែងជាបន្តបន្ទាប់ ដើម្បីបើកផ្លូវឲ្យនាយករដ្ឋមន្ត្រី Shinzo Abe បង្កើតរដ្ឋាភិបាលថ្មីនៅល្ងាចថ្ងៃទី ២ ខែតុលានេះ ។
តាមនោះព្រឹកថ្ងៃទី ២ ខែតុលា បណ្តាសមាជិករដ្ឋាភិបាលជប៉ុនបានដាក់ពាក្យសុំលាលែងពីមុខតំណែងជាបន្តបន្ទាប់ជូនទៅនាយករដ្ឋមន្ត្រី Abe ។ ក្រោយមកនៅម៉ោងធ្វើការល្ងាចនេះ ផ្អែកតាមបញ្ជារបស់នាយករដ្ឋមន្ត្រី Abe នាយខុទ្ទកាល័យរដ្ឋាភិបាលជប៉ុន Yoshihide Suga នឹងប្រកាសសមាជិករដ្ឋាភិបាលថ្មីជាសាធារណៈ ។
នៅល្ងាចថ្ងៃដដែល (២/១០) គណៈរដ្ឋមន្ត្រីថ្មី នឹងបង្ហាញវត្តមានជាផ្លូវការនៅព្រះរាជវាំង ។
តាមប្រភពខ្លះៗនោះ នាយករដ្ឋមន្ត្រី Abe នឹងរក្សាទុកសមាជិកសំខាន់ៗចាស់ ៧រូប ហើយនឹងតែងតាំងថ្មី ១២រូប ។
នៅថ្ងៃដដែល នាយករដ្ឋមន្ត្រី Abe និងធ្វើសន្និសីទកាសែត ដើម្បីបកស្រាយពីជម្រើសមាជិកគណៈរដ្ឋមន្ត្រីថ្មី ហើយប្រកាសជាសាធារណៈពីគោលនយោបាយសំខាន់ៗត្រូវអនុវត្តនៅពេលខាងមុខ ៕ លីសា