ស្រ្តីដែលជាអ្នកបើករថយន្ដបង្កឈ្មោះ សាម ម៉ីជូ ដែលបានបុកបុរសម្នាក់បាត់បង់ជីវិតនោះ ត្រូវបានក្រុមគ្រួសាររបស់នាងបានសហការប្រគល់ជូនសមត្ថកិច្ចហើយនារសៀលថ្ងៃទី៣០ ខែកក្កដា ឆ្នាំ២០២៦។
ឧត្តមសេនីយ៍ឯក ជួន ណារិន្ទ បានអរគុណ ដល់លោកឱកញ៉ាបានសហការណ៌ជាមួយខ្ញុំតាមរកកូនស្រីប្រគល់មកជំនាញផែនចរាចរណ៌ផ្លូវគោក នៃស្នងការដ្ឋាននគរបាលរាជធានីអនុវត្តន៌តាមផ្លូវច្បាប់ (តាមសំណូមពររបស់ខ្ញុំ)។
សូមបញ្ជាក់ថា កាលពីម៉ោងប្រមាណ ១១ កន្លះយប់ ថ្ងៃទី២៨ ខែកក្កដា នៅបណ្ដោយផ្លូវ១០០៣ សង្កាត់ឃ្មួញ ខណ្ឌសែនសុខ រាជធានីភ្នំពេញ មានគ្រោះថ្នាក់ចរាចរណ៍មួយកើតឡើង ដែលបណ្ដាលឱ្យបុរសម្នាក់ជាមន្រ្តីនៃក្រសួងសាធារណការ និងដឹកជញ្ជូន បានស្លាប់នៅកន្លែងកើតហេតុ។ តាមរយៈឃ្លីបវីដេអូ និងរូបថតនៅកន្លែងកើតហេតុ របស់បណ្តាញសារព័ត៌មាននានា បង្ហាញថា នៅក្នុងរថយន្តបង្កហេតុ«AVATR 11» គឺមាននារីវ័យក្មេង ២នាក់។រក្សាសិទ្ធិដោយ៖សុទ្ធលី
