ឯកអគ្គរដ្ឋទូតអាមេរិកប្រចាំអង្គការសន្ធិសញ្ញាអាត្លង់ទិកខាងជើង (NATO)Kay Bailey Hutchison នៅថ្ងៃទី២ ខែតុលា បានលើកឡើងថា រុស្ស៊ីត្រូវបញ្ឈប់ការអភិវឌ្ឍកាំជ្រួចថ្មីដែលមានលទ្ធភាពបំពាក់ ក្បាលគ្រាប់នុយក្លេអ៊ែរច្រើន ពុំនោះសោតអាមេរិកអាច«កម្ចាត់»ប្រព័ន្ធនេះប្រសិនបើវាត្រូវបានគេដាក់ឱ្យធ្វើសកម្មភាពនោះ។
អ្នកស្រី Hutchison ឱ្យដឹងថា៖ «នេះជាខណៈពេលសម្រាប់រុស្ស៊ីអង្គុយក្នុងតុចរចា ហើយបញ្ចប់នូវការបំពានទាំងឡាយ ព្រោះថាប្រសិនបើប្រព័ន្ធនេះមានលទ្ធភាពប្រតិបត្តិការបាន ពេលនោះអាមេរិកនឹងពិនិត្យអំពីលទ្ធភាពកម្ចាត់ចោលកាំជ្រួចដែលអាចវាយលុកប្រទេសណាទាំងអស់របស់យើងនៅទ្វីបអឺរ៉ុបនិងការវាយលុកចូលក្នុងប្រទេសអាមេរិក»។
NATO មានកង្វល់ថា ប្រព័ន្ធ 9M729 របស់រុស្ស៊ីបំពាននឹងសន្ធិសញ្ញានៃបណ្តាកងកម្លាំងនុយក្លេអ៊ែរកម្រិតមធ្យម១៩៨៧ ។សន្ធិសញ្ញាជំនាន់សង្គ្រាមត្រជាក់នេះហាមឃាត់ការអភិវឌ្ឍ ,ដាក់ពង្រាយបណ្ដាកាំជ្រួចមានកម្មវិធីនាំផ្លូវបាញ់ចេញពីផ្ទៃដី មានរយៈចម្ងាយហោះហើរបានពី 500-5.500km ៕
សូយន