តាមបញ្ជីរាយនាមសមាជិករដ្ឋាភិបាលថ្មី ត្រូវបានប្រកាសដោយនាយកខុទ្ទកាល័យនាយករដ្ឋមន្ត្រីជប៉ុន Yoshihide Suga ក្រសួងសំខាន់ៗក្នុងរដ្ឋាភិបាលពុំមានការប្រែប្រួលអ្វីទេ ដើម្បីធានាស្ថិរភាពក្នុងការអនុវត្តបណ្ដាគោលនយោបាយរបស់រដ្ឋាភិបាល ប៉ុន្តែលោក Itsunori Onodera ដែលរ៉ាប់រងតួនាទីរដ្ឋមន្ត្រីការពារជាតិ ពីខែសីហា ឆ្នាំ២០១៧ ត្រូវបានជំនួសដោយលោក Takeshi Iwaya អាយុ៦១ឆ្នាំ ជាឥស្សរជននយបាយជើងចាស់ធ្លាប់កាន់តំណែងជាអនុរដ្ឋមន្ត្រីក្រសួងការបរទេស ក្រសួងការពារជាតិ។
លោក Iwaya ត្រូវបានទទួលតំណែងជារដ្ឋមន្ត្រីការពារជាតិជប៉ុន ក្នុងស្ថានភាពដែលប្រទេសនេះកំពុងប្រឈមនឹងការ គំរាមកំហែងពីកូរ៉េខាងជើង ក៏ដូចជាការពង្រីកកម្លាំងយោធារបស់ចិន។
នៅមានរដ្ឋមន្ត្រីក្រសួងកសាងមូលដ្ឋានត្រូវបានផ្លាស់ប្តូរថ្មី ហើយអ្នកស្រី Satsuki Katayama បានក្លាយជារដ្ឋមន្ត្រី ហើយក៏ជាសមាជិកស្រី្តតែមួយគត់របស់គណៈរដ្ឋមន្ត្រីលើកនេះ។
គួររំលឹកថា ការកែទម្រង់នេះប្រព្រឹត្តទៅមិនយូរប៉ុន្មានបន្ទាប់ពីលោក Shinzo Abe បានជាប់ឆ្នោតសាជាថ្មីក្នុងនាមជាមេដឹកនាំគណបក្សប្រជាធិបតេយ្យសេរី(LPD) កំពុងកាន់អំណាច ហើយលោកក៏ក្លាយជានាយករដ្ឋមន្ត្រីកាន់អំណាចយូរជាងគេនៅជប៉ុន៕
លីសា