ប្រធានាធិបតីអាមេរិក Donald Trump បានគំរាមនឹងបន្តយកពន្ធបន្ថែមលើទំនិញចិនដែលមានតម្លៃ ២៦៧ពាន់លានUSD ហើយអះអាងថានឹងគ្មានកិច្ចព្រមព្រៀងណាមួយជាមួយក្រុងប៉េកាំង លើកលែងតែប្រទេសនេះកែប្រែពាណិជ្ជកម្មមិនស្មើភាព។
លោកTrump បានថ្លែងជាមួយអ្នកសារព័ត៌មានថា ក្រុងប៉េកាំងមានបំណងចង់ចរចាជាមួយ Washington ប៉ុន្តែលោកពុំទាន់ ត្រៀមខ្លួនទេ។លោក Trump ពោល៖ «ដូចប្រិយមិត្តបានដឹង យើងខ្ញុំបានវាយពន្ធ ២៥ ភាគរយចំពោះទំនិញចិន មានតម្លៃ ២៥០ពាន់លានដុល្លារ ហើយយើងខ្ញុំអាចបន្តយកពន្ធលើទំនិញមានតម្លៃ ២៦៧ពាន់លានUSDទៀតនៅជុំទី៣នេះ។ចិនចង់ចរចាណាស់ ខ្ញុំចង់និយាយដោយត្រង់ៗថា វានៅឆាប់ពេកសម្រាប់ការសន្ទនា -កាសែត NewsBytes បានដកស្រង់សម្តីលោក Trump។
លោកTrump នូវបានសង្កត់ធ្ងន់ថា មិនអាចជជែកគ្នានៅពេលនេះបានទេ ព្រោះពួកគេមិនទាន់ត្រៀមខ្លួនមុន។ព្រោះពួកគេបានរារាំងយើងក្នុងអំឡុងច្រើនឆ្នាំ។ការចរចាមិនអាចប្រព្រឹត្តទៅលឿនបែបនេះឡើយ។
ប្រធានាធិបតីអាមេរិក នូវបានឱ្យដឹងទៀតថា ចិនមានអតិរេកពាណិជ្ជកម្ម៣៧៥ពាន់លានដុល្លារអាមេរិកជាមួយអាមេរិក ហើយរឿងនេះពុំមែនមួយឆ្នាំទេ គឺអូសបន្លាយរយៈពេលច្រើនឆ្នាំ។
«ខ្ញុំតែងនិយាយជានិច្ចថា យើងខ្ញុំកសាងប្រទេសចិនឡើងវិញ។ពួកគេយកលុយរបស់យើងខ្ញុំដើម្បីការសង់ស្ពាន ផលិតយន្តហោះប្រយុទ្ធ។ពួកគេអាចសាងសង់ស្ពានចំនួនច្រើនជាងស្ពានដែលយើងខ្ញុំសាងសង់ក្នុងអំឡុងរាប់រយឆ្នាំកន្លងមកនិងទាំងស្ពានធំ ដូចជាស្ពាន George Washington -ប្រធានាធិបតីអាមរិកពោល។
យ៉ាងណាលោកTrump ឱ្យដឹងថា លោកពុំបានទម្លាក់កំហុសឱ្យប្រទេសចិនអំពីអតិរេកនេះទេ។លោកនិយាយថា «ខ្ញុំទម្លាក់កំហុសឱ្យមជ្ឈដ្ឋានរបស់មេដឹកនាំយើងខ្ញុំ។គួរណាស់ពួកគេមិនទុកឱ្យរឿងបែបនេះកើតឡើងឡើយ។ខ្ញុំបាននិយាយបែបនេះជាមួយប្រធានរដ្ឋ Xi Jinping ។ខ្ញុំបានថ្លែងសុន្ទរកថានៅចិន ហើយខ្ញុំពិតជាសំពងខ្លាំងៗទៅលើចិន តែខ្ញុំនិយាយថាខ្ញុំមិនទម្លាក់កំហុសឱ្យពួកគេទេ។លោកXi ពិតជាដឹងប្រាកដណាស់ថាខ្ញុំចង់និយាយពីអ្វី។
លោកTrump អះអាងថាគ្មានកិច្ចព្រមព្រៀងណាមួយជាមួយចិនទេ«យើងខ្ញុំមានបញ្ហាធំធេងអំពីទង្វើលួចកម្មសិទ្ធិបញ្ញាជាមួយនឹងចិន។យើងខ្ញុំក៏មានបញ្ហាច្រើនផ្សេងទៀតជាមួយចិន។សំខាន់គឺរឿងពាណិជ្ជកម្ម។ហេតុនេះឯងដូចអស់លោកអ្នកបានដឹង ពួកគេកំពុងស្ថិតក្នុងអំឡុងពេលលំបាកច្រើនជាងមុន ហើយពុំមែនខ្ញុំចង់ឱ្យពួកគេជួបការលំបាកនោះទេ៕
សូយន