សំបុត្រមួយដែលសង្ស័យថាមានផ្ទុកសារធាតុ ricin ត្រូវបានបញ្ជូនមកដល់សេតវិមាន ប៉ុន្តែពុំទាន់ដល់ដៃប្រធានាធិបតីអាមេរិក Donald Trumpទេ។
AP បានដកស្រង់សម្តីរបស់សមត្ថកិច្ចឱ្យដឹងនៅថ្ងៃទី២តុលាថា សំបុត្រមួយច្បាប់ដែលសង្ស័យមានផ្ទុកសារធាតុ ricin ត្រូវបានបញ្ជូនមកប្រធានាធិបតីអាមេរិកDonald Trump ប៉ុន្តែសន្តិសុខអាមេរិកបានឃាត់ទុកនៅថ្ងៃទី១ ខែតុលា ។ ពេលនេះស្ថាប័នសន្តិសុខរបស់អាមេរិកកំពុងសហការជាមួយអង្គភាពពាក់ព័ន្ធដើម្បីស៊ើបអង្កតករណីនេះ។
គួររំលឹកថា មុននោះនៅថ្ងៃទី១ ខែតុលា សំបុត្រ២ច្បាប់ត្រូវបានបញ្ជូនមករដ្ឋមន្ត្រីការពារជាតិ James Mattis ដែលកំពុងធ្វើ ទស្សនកិច្ចនៅអឺរ៉ុបនិងនាយឧត្តមសេនីយ៍នាវា John Richardson បញ្ជាការប្រយុទ្ធនៃកងទ័ពជើងទឹកអាមេរិក ត្រូវបានវិភាគឃើញថាវិជ្ជមានជាមួយសារធាតុពុល ricin ។
ប្រភពពីការស្រាវជ្រាវបថមបង្ហើបថា សំបុត្រដែលផ្ញើឱ្យលោកTrump និងសំបុត្រ២ច្បាប់ទៀតនោះគឺចេញពីប្រភពតែមួយ។
ricin គឺជាសារធាតុពុលដ៏ខ្លាំង ដែលបរិមាណត្រឹមតិចតួចប៉ុណ្ណោះក៏វាគ្រប់គ្រាន់ធ្វើឱ្យមនុស្សស្លាប់បានដែរ ហើយប្រការដែលសំខាន់នោះគឺពុំមានថ្នាំបន្សាបវាឡើយ៕
សូយន