ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលខេត្តបាត់ដំបង សូមជម្រាបជូនសាធារណជន អ្នកប្រើប្រាស់បណ្តាញសង្គមជ្រាបថា កាលពីល្ងាចថ្ងៃទី១១ខែសីហាឆ្នាំ២០២៦ ឃេីញការផ្សព្វផ្សាយរូបភាពក្នុងបណ្តាញសង្គមថា មាននគរបាលខេត្តបាត់ដំបងឈ្មោះ ហុង អង្គុយមេីលល្បែងជល់មាន់ដែលផ្សព្វផ្សាយតាមរយៈអនឡាញ(online) ដែលរូបភាពនេះត្រូវបានអ្នកប្រេីប្រាស់បណ្តាញសង្គមចែករំលែកបន្តគ្នានិងបានបង្កឱ្យប៉ះពាល់ដល់កិត្តិយសនិងសេចក្តីថ្លៃថ្នូរនៃអង្គភាពនគរបាលជាតិ។
លោកឧត្តមសេនីយ៍ទោ ដាញ់អេងប៊ុនចាន់ ស្នងការនៃស្នងការដ្ឋាននគរបាល ខេត្តបាត់ដំបងបានចាត់វិធានការភ្លាមៗឱ្យធ្វេីការស្រាវជ្រាវរូបភាពព័ត៌មានដែលបានផ្សព្វផ្សាយ ហេីយរហូតមកដល់ថ្ងៃទី១២ខែ សីហាឆ្នាំ២០២៦ នេះឈ្មោះ ហុង ដែលសារព័ត៌មានបានផ្សព្វផ្សាយនោះ គឺពិតជាមន្រ្តីនគរបាលនៃស្នងការដ្ឋាននគរបាលខេត្តបាត់ដំបងពិតមែន ហេីយពេលនេះលោកស្នងការឱ្យផែនការងារធនធានមនុស្សធ្វេីការលេីបញ្ហានេះហេីយ។
ករណីរកឃេីញថាមន្រ្តីរូបនេះបានប្រព្រឹត្តិសកម្មភាពផ្ទុយពីបទវិន័យរបស់កងកម្លាំងនគរបាលជាតិនោះ មន្រ្តីរូបនេះនឹងទទួលរងនូវទណ្ឌកម្មស្របតាមបទវិន័យរបស់កងកម្លាំងនគរបាលជាតិ ។ ក្រៅពីនេះក៏រកឱ្យឃេីញម្ចាស់ទីកន្លែងនិងអ្នកផ្សំគំនិតក្នុងការបេីកប្រព្រឹត្តិសកម្មភាពល្មេីសតាមអនឡាញOnlineផងដែរដេីម្បីអនុវត្តតាមច្បាប់ជាធរមាន៕ រក្សាសិទ្ធដោយ៖សុទ្ធលី
