ស្វាយរៀង ៖ លោក ផឹង និល ប្រធានសាខាកាំត្រូលខេត្តស្វាយរៀងនៅព្រឹកថ្ងៃទី៣ខែតុលាឆ្នាំ២០១៨នេះបានអោយដឹងថាថ្ងៃនេះរូបលោកបាន ដឹកនាំមន្ត្រីក្រោមឱវាទចុះពិនិត្យទំនិញគ្រប់មុខ នៅផ្សារវាលយន្តក្រុងស្វាយរៀងដើម្បីរកសារធាតុគីមី ដាក់ក្នុងមុខទំនិញនៅក្នុងឪកាសបុណ្យភ្ជុំបិណ្ឌនេះសាខា កាំកុងត្រូលខេត្តស្វាយរៀងចុះពិនិត្យទំនិញបន្លែផ្លាឈើគ្រប់ប្រភេទរកសារធាតុគីមីដែលច្បាប់ហាមឃាត់ដោយបានរកឃើញសារធាតុបូរ៉ាក់ត្រូវបានអ្នកផលិតដាក់លើងៀតត្រីបបែលផ្អែមស្រស់ចំនួន១៦គីឡូ ក្រាមហើយសមត្ថកិច្ចជំនាញបានធ្វើការដកហូតរួមនិងបានធ្វើកិច្ចសន្យាដោយមិនឱ្យបងប្អូនអាជីវករដាក់លក់តទៅទៀត។
លោក ផឹង និល ប្រធានសាខាកាំត្រូលខេត្តស្វាយរៀងបានអោយដឹងទៀតថាៈថ្ងៃនេះរូបលោកបាន ដឹកនាំមន្ត្រីក្រោមឱវាទចុះពិនិត្យទំនិញគ្រប់មុខ នៅផ្សារវាលយន្តក្រុងស្វាយរៀងដើម្បីរកសារធាតុគីមី ដាក់ក្នុងមុខទំនិញ ក្នុងនោះបានរកឃើញសារធាតុគីមីប៉ូរាក់ដាក់ក្នុងងៀតបបែលចំនួន១៦គីឡូក្រាមដែលធ្វើអោយអ្នកបរិភោគងៀតនេះប៉ះពាល់ដល់សុខភាពដូចជាខូចក្រពះពោះវៀន ក្រលៀនយ៉ាងធ្ងន់ធ្ងរនិងអាចបង្កអោយបែកឈាមតាមរោមទៀតផង។
លោកបន្ត ឲ្យដឹងទៀតថា ការចុះពិនិត្យមុខទំនិញនៅថ្ងៃនេះ ក្នុងបំណងធានាបាន «សុវត្ថិភាពម្ហូបអាហារ» ព្រោះវាមានសារសំខាន់ចាំបាច់ណាស់ ក្នុងសង្គម និងជីវភាពប្រចាំថ្ងៃ ការទទួលខុសត្រូវលើសុវត្ថិភាពម្ហូបអាហារ គឺជាការទទួលខុសត្រូវរួមគ្នា ទាំងស្ថាប័នជំនាញ ទាំងអ្នកនាំចូល អ្នកផលិត អ្នកចែកចាយ និងយើងទាំងអស់គ្នាជាអ្នកប្រើប្រាស់ផងដែរ ព្រោះសុខភាពគឺជាកត្តាចំបងនៃភាពរស់រាននៃជីវិត។
លោក ផឹង និល បានបញ្ជាក់ថា ការចុះពិនិត្យទំនិញបានធ្វើការពិនិត្យមុខទំនិញបានជាច្រើនមុខដោយបានផ្តោតសំខាន់ទៅលើបន្លែផ្លែឈើ ត្រីសាច់ គ្រឿងឧបភោគបរិភោគប្រចាំថ្ងៃ ហើយបានណែនាំដល់អ្នកលក់ត្រូវបញ្ឈប់ដាក់លក់ជាបន្ទាន់នៅប្រភេទងៀតបបែលដែលផ្ទុកសារធាតុគីមីនេះ។
ប្រធានសាខារូបនេះ ក៏បានអំពាវដល់ប្រជាពលរដ្ឋទាំងអស់ នៅខេត្តស្វាយរៀង សូមមានការប្រយ័ត្នចំពោះការបរិភោគចំណីអាហារ ត្រូវពិនិត្យមើលស្លាកសញ្ញា ការបរិច្ឆេទឲ្យបានច្បាស់លាស់ មុននឹងទិញយកទៅបរិភោគជាពិសេសនៅក្នុងឪកាសបុណ្យភ្ជុំបិណ្ឌនិង ត្រូវចូលរួមលើកកម្ពស់សុខុមាលភាពទាំងអស់គ្នា ហើយមន្ត្រីកាំកុងត្រូល និងបន្តចុះតាមច្រករបៀង ព្រមទាំងពិនិត្យទំនិញ នៅតាមផ្សារនានានៅក្នុងខេត្តស្វាយរៀងឲ្យបានដូចភ្លៀងរលឹម៕ ដោយ ៖ វ៉ៃកូ