ស្ថាប័នពិនិត្យសត្វនិងរុក្ខជាតិរបស់សហព័ន្ធរុស្ស៊ី (Rosselhoznadzor) បានបញ្ជាឲ្យក្រុមហ៊ុនចិនដឹកត្រឡប់ថយក្រោយសណ្តែកដី ១៩តោន ដែលបានអែបចូលកំពង់ផែ Primorye ដោយសារពិនិត្យឃើញថា ទំនិញនេះមានសារធាតុលោហៈពុល cadmium ដ៏គ្រោះថ្នាក់ ។
ទីភ្នាក់ងារសារព័ត៌មាន Sputnik (រុស្ស៊ី) ព័ត៌មានខាងលើត្រូវបានសាខាត្រួតពិនិត្យសត្វ និងរុក្ខជាតិតំបន់ Primorye និងខេត្ត Sakhalin របស់រុស្ស៊ីប្រកាសផ្សាយថា ៖ “លទ្ធផលពិសោធន៍ចំពោះបណ្តាគំរូយកពីសណ្តែកដី នាំចូលពីចិននៅថ្ងៃទី ១២ ខែកញ្ញានេះ បានរកឃើញសារធាតុ cadmium លើសកម្រិតអនុញ្ញាត ២ដង មិនសមស្របជាមួយបទដ្ឋានបច្ចេកទេសរបស់សម្ព័ន្ធភាពគយ ០១៥/២០១១ អំពីពពួកធញ្ញជាតិ” ។
ហេតុនេះអាជ្ញាធរ បានសម្រេចឲ្យសមីក្រុមហ៊ុនយកចេញពីរុស្ស៊ី ។ នេះពុំមែនជាលើកទី១ ទេ ដែលករណីសណ្តែកដីនាំចូលពីចិន មានបញ្ហាដូចនេះ។ តាមអ្នកជំនាញការនោះ ការដែលសណ្តែកដីមានសារធាតុពុល cadmium លើសបែបនេះ ព្រោះតែការប្រើដី Phosphate ច្រើនពេក ហើយជាប្រចាំនៅលើដីបង្កបង្កើនផល ។
Cadmium ជាសារធាតុពុល ដែលវា “បង្កក” ក្នុងរាងកាយយូរៗទៅធ្វើឲ្យសុខភាពប្រឈមនឹងគ្រោះថ្នាក់ខ្លាំងណាស់ ។
ដូច្នេះឯងទើបវៀតណាម បានប្រកាសតាមប្រព័ន្ធផ្សព្វផ្សាយរបស់គេឲ្យមានការប្រុងប្រយ័ត្ន ព្រោះទំនិញនេះ អាច “រំលង” របាំងព្រំដែនចូលមកប្រទេសខ្លួន ។
តាមរយៈនោះខ្មែរយើងក៏ត្រូវប្រុងប្រយ័ត្នផងដែរ ពញរោះពីវៀតណាមមក “ងាក” តែបន្តិចគឺ… យើងហើយ ៕ ចន្ទ្រា
