នាយកដ្ឋានពន្ធទីក្រុងហូជីមិញ នៅ៩ខែដើមឆ្នាំ២០១៨នេះ បានបាត់បង់ប្រភពចំណូលពីរថយន្តនាំចូលប្រមាណ ៥៦០០០០លានដុង(ប្រមាណ២៤០លានUSD)។មូលហេតុដោយសាររថយន្តទាំងនោះត្រូវបាននាំចូលពីបណ្ដាប្រទេសASEAN ច្រើនបំផុតគឺថៃនិងឥណ្ឌូណេស៊ី ដែលអត្រាពន្ធនាំចូលគឺស្មើសូន្យ។
តាមប្រព័ន្ធផ្សព្វផ្សាយវៀតណាមដែលដកស្រង់របាយការណ៍គយក្រុងហូជីមិញឱ្យដឹងថា ប៉ុន្មានខែចុងឆ្នាំ២០១៨នេះបរិមាណរថយន្តនាំចូលមានការកើនឡើងជាងមុន ព្រោះអត្រាពន្ធដែលនាំចូលរថយន្តពីប្រទេសASEANគឺស្មើសូន្យ។ប្រភពដដែលឱ្យដឹងថា ដោយឡែកតែខែកញ្ញា២០១៨ មានរថយន្តជា១១.០០០គ្រឿងត្រូវបាននាំចូលមកវៀតណាម កើនលើសជាង១.២០០គ្រឿង ប្រៀបនឹងរថយន្តនាំចូលកាលពីខែសីហា ឆ្នាំ២០១៨ ។
ប្រទេសថៃនិងឥណ្ឌូណេស៊ីបាននាំចូលរថយន្តដល់ទៅជាង១០.៨០០គ្រឿង ស្មើនឹង៩២ភាគរយ៕
សូយន