ក្រុមមន្ត្រីការពារជាតិអាមេរិកឱ្យដឹងថា យន្តហោះយោធាមួយគ្រឿងរបស់ខ្លួនបានធ្លាក់នៅAfghanistan បណ្តាលឱ្យមនុស្ស១១នាក់ស្លាប់។អង្គការជ្រុលនិយមអ៊ិស្លាមTaliban បានប្រកាសទទួលខុសត្រូវចំពោះករណីនេះ។
តាមអ្នកនាំពាក្យកងទ័ពអាមេរិក មានកងទ័ព៦នាក់និងអ្នកម៉ៅការស៊ីវិល៥នាក់មានវត្តមានលើយន្តហោះនេះ ។ ចំណែកNBC វិញឱ្យដឹងថា លើយន្តហោះដែលធ្លាក់នេះមានមនុស្ស១២នាក់បានស្លាប់ ដែលក្នុងនោះរួមមានទាហានអាមេរិក៥នាក់ អ្នកម៉ៅការ៥នាក់និងពលរដ្ឋសាមញ្ញAfghanistan ២នាក់។
តាមAFP អង្គការនិយមជ្រុលTaliban បានប្រកាសទទួលខុសត្រូវក្នុងករណីបាញ់ទម្លាក់យន្តហោះC-130 Herculesអាមេរិក ប៉ុន្តែព័ត៌មាននេះនៅពុំទាន់ចាត់ទុកជាផ្លូវការឡើយ ព្រោះបើតាមកងទ័ពអាកាសលេខ៤៥៥ របស់អាមេរិកបានរាយការណ៍ នេះគឺជាករណី«គ្រោះថ្នាក់»មួយប៉ុណ្ណោះ៕
លីសា
