ក្មេងស្រីតូចម្នាក់ បានសរសេរសំបុត្រខ្លួនឯងទៅកាន់មេៗនៅក្រុមហ៊ុន Google ដើម្បីស្នើសុំឲ្យប៉ារបស់នាងបានសម្រាកច្រើនថ្ងៃជាងមុន ព្រោះប៉ានាងបានឈប់សម្រាកតែមួយថ្ងៃប៉ុណ្ណោះក្នុងមួយសប្តាហ៍ គឺនៅថ្ងៃសៅរ៍។
ថ្ងៃបុណ្យខួបកំណើតរបស់ប៉ានាងបានជិតចូលមកដល់ ទើបធ្វើឲ្យនាងសរសេរសំបុត្រស្នើស។ ដើម្បីឲ្យប៉ានាងសម្រាកច្រើន ហើយនាងបានទទួលសំបុត្រឆ្លើយតបវិញ គួរឲ្យភ្ញាក់ផ្អើល ដោយសារតែមេនៅក្រុមហ៊ុន បានឲ្យប៉ានាងឈប់សម្រាកមួយសប្តាហ៍ពេញ។
ក្មេងតូចនោះមានឈ្មោះថា Katie ហើយប៉ានាងធ្វើការខាងផ្នែកឌីហ្សាយនៅក្រុមហ៊ុន ប៉ុន្តែគាត់ធ្វើការស្ទើរតែពេញមួយសប្តាហ៍ ដោយបានសម្រាកតែថ្ងៃសៅរ៍ប៉ុណ្ណោះ។ Katie មិនយល់ទាល់តែសោះ ថាហេតុអ្វីប៉ានាងត្រូវធ្វើការស្ទើរតែរាល់ថ្ងៃបែបនោះ ជាពិសេសមិនមានការឈប់សម្រាកសោះ នៅរដូវក្តៅ។
ដោយសារតែខួបកំណើតប៉ានាងត្រូវនឹងថ្ងៃពុធ ទើបនាងសរសេរសំបុត្របែបនេះថា “ជូនចំពោះអ្នកនៅធ្វើការនៅក្រុមហ៊ុន Google: នៅពេលប៉ាខ្ញុំទៅធ្វើការ តើអាចឲ្យគាត់ឈប់សម្រាកនៅថ្ងៃពុធបានឬទេ ព្រោះប៉ាអាចសម្រាកបានតែនៅថ្ងៃសៅរ៍?
នាងបញ្ជាក់ថា សូមឲ្យប៉ាខ្ញុំឈប់សម្រាកនៅថ្ងៃពុធផង ព្រោះវាជាថ្ងៃខួបកំណើតរបស់គាត់។ នាងក៏បានរំលឹកដល់មេៗប៉ារបស់នាងដូច្នេះថា “វាជារដូវក្តៅ ដឹងទេ!” ។
បន្ទាប់ពីស្នើឲ្យប៉ានាងបានសម្រាកនៅថ្ងៃពុធ នាងក៏ទទួលបានលិខិតឆ្លើយតបវិញ ដ៏គួរឲ្យភ្ញាក់ផ្អើល ដោយអ្នកគ្រប់គ្រងនៅក្រុមហ៊ុន បានឲ្យប៉ារបស់នាងឈប់សម្រាកពេញមួយសប្តាហ៍ នៅសប្តាហ៍ទីមួយ នៃខែកក្កដាតែម្តង៕ សុភ័ក្ត្រ
ប្រភព៖ Good Times
