ក្រុមអ្នកមុជទឹកនៅរដ្ឋ Salangor ត្រូវបានទាញចូលចរន្តទឹកកួចយ៉ាងខ្លាំងនិងបានបាត់បង់ជីវិត ខណៈពេលពួកគេធ្វើការស្វែងរកជនរងគ្រោះម្នាក់ទៀតនៅក្នុងបឹង នាតំបន់អាជីវកម្មរ៉ែ។
អ្នកជំនាញមុជទឹកនៃមន្ទីរសង្គ្រោះដ្ឋSalangor ប្រទេសម៉ាឡេស៊ី បានចូលរួមក្នុងប្រតិបតិ្តការរុករកសាកសពយុវជនអាយុ១៧ឆ្នាំម្នាក់ដែលបានធ្លាក់ក្នុងតំបន់អាជីវកម្មរ៉ែ នាសង្កាត់ Sepang កាលពីវេលាម៉ោង 21h15 ថ្ងៃទី៣ ខែតុលា ក្នុងពេលដែលមេឃកំពុងធ្លាក់ភ្លៀងយ៉ាងខ្លាំង។
មេប៉ូលិសសង្កាត់ Sepang Abdul Aziz Ali ឱ្យដឹងថា៖ ក្រុមអ្នកមុជទឹកនេះត្រូវបានបំពាក់បរិក្ខារយ៉ាងគ្រប់គ្រាន់ ហើយភ្ជាប់ជាមួយគ្នាដោយខ្សែពួរមួយសរសៃ។ស្រាប់តែមានចរន្តទឹកកួចយ៉ាងខ្លាំងមួយបានទាញយកជនរងគ្រោះទាំងអស់ក្នុងពេលដែលបរិក្ខារជំនាញរបស់ពួកគេត្រូវរបូតចេញពីខ្លួន។
ក្រុមអ្នកមុជទឹកទាំងនោះបានប្រឹងប្រយុទ្ធតតាំងនឹងចរន្តទឹកកួចប្រហែល៣០នាទី ខណៈពេលដែលភ្នាក់ងារដទៃទៀតប្រឹងប្រែងជួយដល់ពួកគេ។យ៉ាងនេះក្តីជនរងគ្រោះទាំងអស់បានបាត់បង់ស្មារតីក្រោយពេលយកឡើងដល់គោក។ គ្រូពេទ្យមួយក្រុមបានប្រឹងប្រែងសង្គ្រោះ តែបរាជ័យ។អ្នកទាំង៦ត្រូវបានបញ្ជាក់ថាត្រូវបានស្លាប់បាត់ហើយ។ ក្នុងពេលនោះដែរយុវជនដែលធ្លាក់ចុះក្នុងបឹង ពុំទាន់ត្រូវបានរកឃើញ។តាមព័ត៌មាន យុវជននេះបានរអិលជើងធ្លាក់ចុះ ទឹកបឹងពេលកំពុងស្ទូចត្រីជាមួយមិត្តភក្តិ២នាក់ទៀត។នៅថ្ងៃនេះប្រតិបត្តិការរុករកសាកសពយុវជននេះនឹងបន្តអនុវត្តន៍៕សូយន
