យើងខ្ញុំគិតគូរ ថ្លឹងថ្លែងថា បើគ្រាន់តែសរសេរអត្ថបទបង្ហាញពីរឿងរ៉ាវផ្សេងៗកើតឡើងក្នុងសង្គម ហើយប្រិយមិត្តជាទីរាប់អានលើបណ្តាញសង្គម មានយោបល់នោះហាក់ដូចជានៅខ្វះអ្វីមួយ ។
យើងខ្ញុំគិតថា កង្វះនោះគឺការចែករំលែកបន្តនូវគំនិតល្អៗជុំវិញបញ្ហា ដែលយើងបានផ្សាយចេញ ដើម្បីឲ្យថ្នាក់ដឹកនាំលោកបានជ្រាប សាម៉ីខ្លួនក៏បានដឹង ដើម្បី “ល្អយក ខុសកែប្រែ” សំដៅឈានទៅរួមគ្នាកសាងទឹកដីកម្ពុជាកាន់តែល្អប្រសើរឡើង ។
នៅថ្ងៃទី ៣ ខែតុលា ឆ្នាំ ២០១៨ គេហទំព័ររបស់យើងបានបង្ហោះផ្សាយអត្ថបទក្រោមចំណងជើង “ក្រោយចុះត្រួតពិនិត្យ អភិបាលខេត្តមណ្ឌលគិរី ថាគ្មានការដឹកឈើខុសច្បាប់ ចេញទៅលក់នៅវៀតណាម” ។ មកទល់ពេលនេះ ទោះបីមានអ្នកអានត្រឹមជាង ៥៤.០០០នាក់ អ្នកមានវិចារ ១២១នាក់ និងការចែករំលែក ៥៥០នាក់ក្តី ប៉ុន្តែអត្ថន័យដែលប្រិយមិត្តបានបញ្ចេញវិចារក្នុងចិត្ត ពិតជាគួរឲ្យពិចារណា ។ យើងខ្ញុំសូមអនុញ្ញាតដកស្រង់ដូចខាងក្រោម ៖
ខ្លឹមសារ វិចារដកស្រង់ ៖
-បើចឹងមានតែសម្ដេចក្រឡោហោមនិយាយខុស បើសម្ដេចនិយាយខុស ត្រូវអោយសម្ដេចក្រឡាហោមសុំទោសចៅហ្វាយខេត្ត?
-ព្រោះតែរកឃើញត្រូវបិទក្រុមហ៊ុននិងហើយទើបរកមិនឃើញនោះ ហើយទៅទាំងហ្វូងដូចទៅបុណ្យកឋិនអីចឹងសូម្បីតែស្រមោចក៏វាដឹងដែរ
-គាត់និយាយត្រូវ គ្មានទេឈើខុសច្បាប់។ ព្រោះមានអ្នកអនុញ្ញាតហើយ ដូច្នេះវាត្រូវស្របច្បាប់ហើយ។ ត្រូវទេបងប្អូន?
-បែបគាត់ជាអ្នកចេញច្បាប់អោយដឹកហ្នឹងណា…គាត់និយាយមិនខុសទេ…
-សម័យបច្ចេកវិទ្យាប៉ុណ្ណឹងហើយនៅប្រកែកទៀតចប់ហើយ បើដូចសម័យមុនទៀតតើកុហកបោកប្រាសប៉ណ្ណាទៅ!
-អត់ដឹងអីហង ទើបងើបពីដេក ឮតែគេថា អត់ដែលឃើញ តែស្រាបតែអស់ឈើពីព្រៃទៅ មោកសុទ បង្កើតអាជ្ញាធរអីគឺដឹងតែរលាយ បង្កើតមេព្រៃ អស់ឈើ បង្កើតអាជ្ញាធរទន្លេរសាប/ជលផលអស់ត្រី និយាយទៅបង្កើអី គឺដឹងតែរលាយណឹង បើមិនទាន់បង្កើតមិនសូវអី
-ត្រូវហើយ ព្រោះពេលគាត់ទៅត្រួតពិនិត្យពិតជាអត់មាន តែមុននោះមាន ហើយក្រោយពិនិត្យក៏ប្រហែលនឹងមានទៀត។
-មុននឹងចុះតេប្រាប់មុនហើយ នេះហើយទំលាប់មន្ត្រីខ្មែរមនុស្សឆ្កួតទើបមិនដឹង ដកចោលទៅសម្ដេចសខេងសំណូមពរ
-បើមានខុសច្បាប់ ចាប់ បានទាំងអស់នឹង !
ឈើយកចេញទៅបាន សុទ្ធតែត្រូវតើ បើមិនត្រូវ ម៉េចឲ្យចេញបាន ចេះតាមានហ្មង !
-បើនិយាយពីព្រៃឈើ ឈើរត់ឡើងឡាន៌ខ្លួនវាតើ មនុស្សណាហ៊ានកាប់ ខ្លាចច្បាប់សង់អីនឹង
-មានឣីខុសបើ…..ខេត្តជាឣ្នកឣោយដឹកតាមសម្រួល និងជួយបើកផ្លូវ ធ្វើផ្លូវឣោយដឹកទៀតផង
-គាត់និយាយថាពេលគាត់ចុះមកមិនឃើញមានឡានដឹកឈើត្រឹមត្រូវ តែពេលគាត់ទៅវិញបានពួកវាដឹកពិសេសពេលយប់ គាត់គ្មានការទទួលខុសត្រូវបន្តិចសោះ កាន់ការងារចង់ស្មើនិងស្តេចផែនដីគ្នានគំនិត្យការពារសម្បត្តិជាតិ បណ្តោយ និងបិទភ្នែកអោយឧក្រិតជនបំផ្លាញជាតិ ទោសស្មើនិងសម្លាប់ជាតិមិនអាចប្រកែកបាន សាកសមបំផុតអ្នកមានសម្បជញ្ញៈស្មោះនិងជាតិ និងប្រជាជនមានច្រើនណាស់ដែលអាមកទទួលការងារនេះ សូមសម្តេចក្រឡាហោមអាកាត់ដើម្បីជាតិរស កុំដូចចំណារប្រវត្តិសាស្ត្រថាខ្មែររួមដែនដីនៅតូចដោយជនជាតិនេះមិនសូវចេះរកស៊ីស្រឡាញ់អំណាចចេះតែការ បំផ្លាញ ចូលចិត្តកាន់ជើងជាតិសាសផ្សេង ចាញ់ប្រាជ្ញានិងល្បិចគេដែលធ្វើអោយទឹកដីរបស់ខ្លួនរួមតូចមកដល់សព្វថ្ងៃនេះ។
-មានភ្នែកតែគ្មានប្រស្រី នេះបានចំជាអភិបាលខេត្តល្អមែន ក្រសួងមហាផ្ទៃពិតជារើសមនុស្សពុំខុសមែន។
-បើអីចឹងមែនសម្តេចសខេងមូលបង្កាច់ចៅហ្វាយខេត្តមណ្ឌលគីរីហើយ។
-គាត់អត់បានដឹកចេញទេ អ្នកផ្សេងអ្នកដឹកចេញតើ
-គ្មាន អ្នក ណា កាប់ ទេ គឺ ឈើ វា ធ្វើ ដំណើរ ទៅ វៀតណាម ដោយ ខ្លួន ឯង
គេនឹងភ្លើទៅអោយចាប់ងាយសុទ្ធតែផ្តល់ដំណឹងមុនយកលាក់ទុកអស់ហើយ
-យល់អោយច្បាស់,មិនមែនឈើខុសច្បាប់ទេជាឈើស្របច្បាប់។
-ប្រហែលគាត់និយាយមិនខុសទេ គឺថា ដឹកខុសច្បាប់គ្មានទេ មានតែដឹកត្រូវច្បាប់
-ម្តេចក្រសួងដាក់ថតពីអាកាសឲ្យសម្តេច ក្រឡាហោម និយាយខុសចឹង?
-ឧបនាយករដ្ឋមន្ត្រីចេះតែនិយាយហើយចឹង!
-រកម៉េចឃើញបើកណ្ដៀរស៊ីអស់ហើយហ្នឹង?
-អា គាំង បោកសម្តេចទៀតហើយ
-មេគាត់ចោទប្រកាន់គាត់ដោយគ្មានភស្តុតាង
-មិចបានថាអត់ បើគេឃើញនឹងភ្នែកហើយ
-មានសង្ឃឹមអីទៀត បើថ្នាក់ដឹកនាំនិយាយ ចឹង!
-មែនទេគេដឹកយប់ទៅមើលពេលថ្ងៃបានអីឃើញ
-គេដឹងអស់ម៉ាស្រុកទេសហើយពូ
-រឿងវល់ៗ ដដែលៗ
-ទៅសំរាកទៅលោកបងអើយ
– ឡប់ៗមេចទេ កោតតែឆ្លើយមិនចេះខ្មាសគេ
………………………………………………….។ល។
ដោយ ៖ បូព៌ា
CEN.COM.KH