ម្សិលមិញនេះក្រសួងការបរទេសអាមេរិកព្រមានថា នឹងលុបឥណ្ឌាចេញពីបញ្ជីលើកលែងការដាក់ទណ្ឌកម្ម ប្រសិនបើឥណ្ឌាចុះហត្ថលេខាទិញកាំជ្រួចS-400ពីរុស្ស៊ី។
វិមានក្រឹមឡាំងកាលពីម្សិលមិញឱ្យដឹងថា ខ្លឹមសារសំខាន់មួយនៃដំណើរទស្សនកិច្ចរបស់ប្រធានាធិបតីរុស្ស៊ីទៅកាន់ឥណ្ឌា គឺការចុះហត្ថលេខាលើកិច្ចព្រមព្រៀងលក់កាំជ្រួច S-400ដល់ក្រុងNew Delhi ។
ប្រតិកម្មចំពោះព័ត៌មានខាងលើ ក្រសួងការបរទេសអាមេរិកព្រមានថា ក្រុងវ៉ាស៊ីនតោននឹងមិនបញ្ចូលឥណ្ឌាទៅក្នុងបញ្ជី លើកលែងទណ្ឌកម្មទេ ប្រសិនបើក្រុងNew Delhi ចុះកិច្ចសន្យាខាងលើជាមួយក្រុងមូស្គូ។
អ្នកនាំពាក្យក្រសួងការបរទេសអាមេរិកប្រកាសថា ៖«ទង្វើអភិវឌ្ឍប្រព័ន្ធអាវុធ រួមមានការទិញប្រព័ន្ធកាំជ្រួចការពារដែនអាកាសS-400 នឹងស្ថិតក្នុងកម្មវត្ថុពិសេសរបស់ CAATSA -ពោលគឺក្រឹត្យច្បាប់ប្រឆាំងបច្ចាមិត្តរបស់អាមេរិកតាមបទបញ្ជាដាក់ទណ្ឌកម្ម។
មុននោះអាមេរិកបានធ្វើការព្រមានជាបន្តបន្ទាប់ក្រោយពីប្រទេសឥណ្ឌាបង្ហាញបំណងចង់ទិញS-400 តាំងពីឆ្នាំ២០១៦មកម្ល៉េះ។មន្ទីរបញ្ចកោណព្រួយបារម្ភថាកិច្ចសន្យាទិញលក់S-400រវាងរុស្ស៊ីនិងឥណ្ឌាអាចនាំមកនូវភាព អសកម្មដល់ករណីនាំចេញយន្តហោះគ្មានអ្នកបើកបរPredator និងខែលការពារកាំជ្រួច Patriot ទៅកាន់ទីផ្សារអន្តរជាតិរបស់អាមេរិក។
ក្នុងពេលនោះរដ្ឋាភិបាលឥណ្ឌាចាត់ទុកថា ការអភិវឌ្ឍសមត្ថភាពការពារប្រទេសដោយ S-400 គឺពិតជាចាំបាច់ក្នុងបរិបទទ័ពអាកាសចិននិងប៉ាគីស្ថានកំពុងបំពាក់ប្រភេទអាវុធទំនើបៗនោះ៕
សូយន