មូលហតុទាំងបួន រួមមានទី១៖ វៀតណាមក៏គួរគប្បីធ្វើតាមប្រទេសសង្គមនិយមដទៃទៀត ដែលគេឯកភាពមុខនាទីអគ្គលេខាបក្សនិងប្រធានរដ្ឋ។យើងមិនអាចចេះតែនៅក្រៅនិន្នាការនោះទេ ពិសេសក្នុងស្ថានភាពសមាហរណកម្មពិភពលោកបច្ចុប្បន្ន។
មូលហេតុទីពីរនោះ គឺការប្រូលផ្តុំមុខនាទីអគ្គលេខាបក្សនិងប្រធានរដ្ឋស្ថិតនៅលើមនុស្សម្នាក់ វាធ្វើឱ្យការអនុវត្តមាគ៌ារបស់បក្សត្រូវបានអនុវត្តន៍យ៉ាងលឿនក្នុងបណ្ដាអង្គការនីតិប្រតិបត្តិ ហើយបញ្ចៀសបានពីការមិនឯកភាពគ្នាខ្លះរវាងបក្សនិងរដ្ឋ។ ប្រមុខដឹកនាំបក្ស ក្រោយពេលមជ្ឈិមបក្សសម្រេចគោលមាគ៌ានយោបាយនោះ គាត់អាចយកទៅដឹកនាំ បញ្ជាការអនុវត្តភ្លាមៗបានក្នុងតួនាទីជាប្រធានរដ្ឋ។
ទីបី ការផ្តុំអំណាចដឹកនាំប្រទេសតាមរយៈមនុស្សម្នាក់ ត្រូវបានមជ្ឈិមបក្សតែងតាំងជាប្រមុខដឹកនាំបក្ស ហើយរដ្ឋសភាតែងតាំងជាប្រមុខដឹកនាំរដ្ឋនោះ វាពុំចាំបាច់មានក្បាលម៉ាស៊ីនសម្រាប់មុខងារទាំងពីរនេះទេ ហេតុនេះនឹងកាត់បន្ថយបានក្របខ័ណ្ឌជាច្រើន។
ចុងក្រោយ គឺខណៈពេលនេះជាឱកាសល្អដើម្បីធ្វើការរៀបចំសម្រាប់ទាំងបច្ចុប្បន្ន ពិសេសគឺអនាគត។ ការកែសម្រួលប្រព័ន្ធដឹកនាំពេលនេះ ក៏ជាបុព្វបទសម្រាប់ការត្រៀមបម្រុងមេដឹកនាំប្រទេសសម្រាប់ថ្ងៃអនាគត៕លីសា
