នៅព្រឹកថ្ងៃទី៤ ខែតុលា Li Man ដែលជាកម្មករអនាម័យ បានប្រទះឃើញថង់មួយ ពេលដែលនាងសម្អាតអនាម័យនៅ ទីក្រុងហៃគូ ខេត្តហាយណាន ។ពេលលើកថង់ព្រោះឃើញវាធ្ងន់ នាងក៏ស្រាយបើកវាមើល នៅខាងក្នុងក្រៅពីឯកសារ នៅមានកញ្ចប់តូចមួយ ក្នុងនោះមានលុយចំនួន១៥០.០០០យាន់ (22.000 USD)។ នាងបានប្រាប់ថា អារម្មណ៍ខ្ញុំពេលនោះគិតឃើញថាប្រាកដជាមានអ្នកណានោះធ្វើឱ្យធ្លាក់ ហើយគេប្រាកដជាព្រួយបារម្ភខ្លាំងណាស់។ខ្ញុំគិតថាត្រូវនាំយកវាទៅឱ្យម្ចាស់វាវិញ កាន់តែឆាប់កាន់តែល្អ។
បន្ទាប់ពីសុំច្បាប់អ្នកគ្រប់គ្រងរួច នាងក៏យកថង់ទៅកាន់ប៉ុស្តិ៍ប៉ូលិស។ក្រោយការស៊ើបបញ្ជាក់ ប៉ូលិសបញ្ជាក់ថា ថង់លុយនេះជារបស់ពាណិជ្ជករត្រកូលZhu។
២ម៉ោងក្រោយមក ថង់លុយនេះបានជួបនឹងម្ចាស់វាវិញ។លោកZhu ដែលជាម្ចាស់លុយប្រាប់ថា គាត់ទើបនឹងប្រមូលលុយទាំងនោះបានដើម្បីយកទៅក្រុមហ៊ុន ។លោកZhu បានសំណូមពរជូនសគុណនាងLi Man ២០០០០យ័ន(ប្រមាណជិត៣០០០ដុល្លារ) ។ ទោះបីចំនួនលុយនេះស្មើនឹងប្រាក់ខែនាងរាប់ឆ្នាំក្តី តែនាងLi បានបដិសេធមិនព្រមយក។ នាងថា នេះជាទង្វើដែលខ្ញុំគិតថាគួរគប្បីធ្វើ និងពុំត្រូវការសគុណអ្វីឡើយ។
ក្រោយពេលរឿងហេតុនេះត្រូវបានផ្សព្វផ្សាយ បណ្តាញសង្គមចិនបានលើតម្កើងនាងថា ៖ពិតជាបុគ្គលិកលក្ខណៈមនុស្សដែលពិបាករកនៅក្នុងសង្គមចិនបច្ចុប្បន្ននេះ៕
សូយន