ប្រធានាធិបតីអាមេរិកDonald Trump ប្រកាសថា ប្រសិនបើមានការប្រដាល់ជាមួយនឹងសមភាគីរុស្ស៊ី នោះលោកនឹងទទួលបានពិន្ទុច្រើនជាង។
ម្សិលមិញនេះ Sputnik បានដកស្រង់សម្តីរបស់ប្រធានាធិបតីអាមេរិក Donald Trump ថ្លែងក្នុងជំនួបជាមួយអ្នកគាំទ្រខ្លួននៅរដ្ឋMinnesotaថា ៖ ពួកគេតែងនិយាយថាខ្ញុំទន់ជ្រាយជាមួយលោកPutin។ពួកគេចង់ឱ្យខ្ញុំបើកឆាកប្រដាល់ជាមួយគាត់។ខ្ញុំគិតថា ខ្ញុំនឹង«វាយបានយ៉ាងល្អ»។
ការប្រកាសបែបនេះរបស់លោកTrump ត្រូវបានលើកឡើងបំណងពណ៌នាដែលប្រព័ន្ធផ្សព្វផ្សាយអាមេរិកតែងសរសេររិះគន់លោក។លោកបន្តថ្កោលទោសប្រព័ន្ធផ្សព្វផ្សាយ ដោយប្រៀបធៀបថា ចំពោះរុស្ស៊ីពួកគេនិយាយថាខ្ញុំទន់ខ្សោយហួសហេតុ។ប៉ុន្តែចំពោះកូរ៉េខាងជើងវិញពួកគេបែរជាលើកថាខ្ញុំតឹងរ៉ឹងជ្រុល។ប្រសិនបើខ្ញុំពិតជាតឹងរ៉ឹងជាមួយរុស្ស៊ី ពួកគេនឹងនិយាយថាខ្ញុំតឹងរ៉ឹងជ្រុល។ពួកគេពិតជាឆ្កួតលេលាណាស់។
គួររំលឹកថា ក្នុងសន្និសីទរួមជាមួយលោកPutin នៅHelsilki, កាលពីខែកក្កដា លោកTrump ជឿលើការអះអាងរបស់លោកPutin ដែលថារុស្ស៊ីមិនបានអន្តរាគមន៍នៅក្នុងការបោះឆ្នោតប្រធានាធិបតីអាមេរិកកាលពីឆ្នាំ២០១៦ទេ ។ពេលនោះលោកTrump បានត្រូវប្រព័ន្ធផ្សព្វផ្សាយអាមេរិករិះគន់យ៉ាងខ្លាំងក្លា ថាលោកជាមនុស្សទន់ខ្សោយចំពោះរុស្ស៊ី ព្រោះជឿរុស្ស៊ីជាងស្ថាប័នចារកម្មអាមេរិក៕
សូយន
