ស្ត្រីឥណ្ឌាមម្នាក់ ត្រូវបានចាប់រំលោភយ៉ាងសាហាវដោយបុរស២នាក់ ដែលអូសនាងចេញពីក្នុងទឹកទន្លេដ៏ពិសិដ្ឋ Ganges ទីកន្លែងដែលនាងកំពុងងូតទឹកលេង កាលពីព្រឹកថ្ងៃអាទិត្យ ។
ប៉ូលីសនិយាយថា ជនល្មោភកាមទាំងពីរនោះ សូម្បីថតវីដេអូពីសកម្មភាពរបស់ពួកគេ ទៅលើស្ត្រីអាយុ ៤៥ ឆ្នាំ ម្នាក់ នៅក្នុង Patna, Bihar ស្ថិតនៅភាគឦសាននៃប្រទេសឥណ្ឌា និងក្រោយមក បានបង្ហោះវាឡើងបណ្តាញសង្គមបង្កឲ្យមានការខឹងសម្បារយ៉ាងខ្លាំងក្លាបំផុត ។
នៅក្នុងវីដេអូ ស្ត្រីរងគ្រោះក៏អាចត្រូវបានលឺស្នើអង្វរកដល់ជនទាំងពីរ ឲ្យគិតពិចារណាអំពី «ភាពបរិសុទ្ធ» របស់ទន្លេនេះផងដែរ ។
នៅក្នុងព្រហ្មញ្ញសាសនា ទន្លេ Ganges ត្រូវបានហៅថា ទេពធីតា Ganga ដែលបានចុះមកលើផែនដី ហើយទន្លេដ៏ពិសិដ្ឋនេះ តែងតែត្រូវបានសំដៅថាជា «មាតា» ។
ជនរងគ្រោះពុំត្រូវបានបញ្ជាក់ បានកំពុងងូតទឹកក្នុងទន្លេ Ganges នេះ នៅក្នុងពិធីបុណ្យសាសនាជម្រះបាបចង្រៃទាំងពួង មុនពេលនាងត្រូវបានគេធ្វើដាក់ដ៏សាហាវបែបនេះ ។
វីដេអូបានបង្ហាញបុរសម្នាក់ក្នុងចំណោមពួកគេទាំងពីរ បានអូសស្ត្រីរងគ្រោះចេញពីក្នុងទឹក មុនពេលនាំយកទៅរំលោភ នៅលើច្រាំងទន្លេ ។
ទោះយ៉ាងណា នៅទីបំផុត ស្ត្រីរងគ្រោះត្រូវបានពួកវាដោះលេងវិញ ហើយនាងក៏អាចមានឱកាសរត់ទៅប្តឹងប៉ូលីសភ្លាមៗ ។ នេះបើតាមសេចក្តីរាយការណ៍របស់ NDTV ។
បើតាមសារព័ត៌មានក្នុងស្រុកជាច្រើន បានចុះផ្សាយឲ្យដឹងថា នៅពេលស្ត្រីរងគ្រោះបានរាយការណ៍ទៅប៉ូលីសលើកដំបូង ពួកគេបានបដិសេធចាត់វិធានាការចំពោះការអះអាងរបស់នាងឡើយ ។
ប៉ុន្តែ នៅពេលវីដេអូភស្តុតាងនេះ បានរីករាលនៅលើបណ្តាញសង្គម ប៉ូលីសក៏បានចុះស៊ើបអង្កេត និងចាប់ខ្លួនបុរសទាំងពីរនោះតែម្តង ៕
ដោយ៖ ចន្ទី
ប្រភព៖ dailymail