ស្ត្រីវ័យចំណាស់ម្នាក់ បានបន្សល់នូវឈាមហូរស្រោចក្បាល បន្ទាប់ពីរងការវាយប្រហារនឹងដងអំបោស ពីសំណាក់ស្ត្រីអាយុ ៤០ ឆ្នាំ ម្នាក់ នៅក្នុងទីក្រុងហុងកុង ។ ហើយជនសង្ស័យដែលមានឈ្មោះថា Tam ត្រូវបានចាប់ខ្លួនដោយអាជ្ញាធរក្នុងតំបន់ បន្ទាប់ពីវីដេអូនៃការប្រើអំពើហិង្សាដ៏សាហាវនេះ រីករាលដាលនៅលើបណ្តាញសង្គម ។
វីដេអូដែលត្រូវបានថតដោយអ្នកឈរមើល Tam កំពុងឈ្មោះក្រកែកគ្នាយ៉ាងខ្លាំងជាមួយស្ត្រីអាយុ ៦៩ ឆ្នាំ ម្នាក់ដែលមានឈ្មោះ Ip ស្ថិតនៅលើដងផ្លូវមមាញឹកមួយកន្លែង ក្នុង Sham Shui Po នៅវេលាម៉ោងប្រហែល ៣ រសៀលថ្ងៃទី២ តុលា ។
បើតាម Coconuts បានចុះផ្សាយឲ្យដឹងថា Tam បានអះអាងថា «ខ្ញុំបានណែនាំស្ត្រីចំណាស់នោះ ដែលកំពុងអង្គុយនៅលើដងផ្លូវ ខណៈច្រៀងអាឡេអាឡូស្តាប់មិនយល់ ឲ្យគាត់ឈប់ច្រៀងទៅ ប៉ុន្តែ គាត់ពុំឈប់ច្រៀងឡើយ ហេតុនេះ ខ្ញុំក៏ផ្ទុះកំហឹងដាក់គាត់យ៉ាងខ្លាំងតែម្តង» ។
ដំបូង Tam បានវាយទៅលើស្ត្រីចំណាស់នោះជាមួយបាច់ផ្កា ដែលជំរុញឲ្យសាក្សីមួយចំនួន ចូលទៅណែនាំនាងឲ្យឈប់សកម្មភាពហិង្សានេះទៅ ព្រោះជនរងគ្រោះពុំបានកំពុងធ្វើអ្វីៗប៉ះពាល់ដល់រូបនាងឡើយ ។
ទោះយ៉ាងណា ស្ត្រីរូបនេះពុំទទួលយកការណែនាំរបស់ពួកគេនោះទេ ហើយបន្តវាយទៅលើស្ត្រីចំណាស់ទន់ខ្សោយនោះ រហូតឈាមហូរស្រោចក្បាលតែម្តង ជាមួយដងអំបោសចុងក្រោយ ៕
ដោយ៖ ចន្ទី
ប្រភព៖ kapook, nextshark