តាមការស្រាវជ្រាវមួយចុះផ្សាយលើទស្សនាវដ្តី JAMA, អ្នកបោះបង់ការបរិភោគអាហារពេលព្រឹក មានហានិភ័យឈឺបេះដូងឡើងដល់ ២៧% ប្រៀបនឹងអ្នកបរិភោគ ។
ការបោះបង់អាហារពេលព្រឹក ធ្វើឲ្យអ្នកអាចប្រឈមនឹងហានិភ័យពាក់ព័ន្ធដល់សុខភាពខាងក្រោមនេះ៖
. ហានិភ័យកើតជំងឺទឹកនោមផ្អែមប្រភេទ២
លទ្ធផលស្រាវជ្រាវរបស់សកលវិទ្យាល័យហាវ៉ាដ ទៅលើស្ត្រី ៤៦.២៨៩ នាក់ ក្នុងរយៈពេល ៦ ឆ្នាំ បង្ហាញថា អ្នកមានទម្លាប់មិនបរិភោគអាហារពេលព្រឹក មានហានិភ័យកើតជំងឺទឹកនោមផ្អែមប្រភេទ២ ខ្ពស់ជាងស្ត្រីបរិភោគរាល់ថ្ងៃដល់ទៅ ៥៤% ។
. បាត់តុល្យភាពជីវជាតិ, សមត្ថភាពទប់ទល់ជំងឺទាប
ដោយសារប្រភពថាពលនៅកម្រិតយ៉ាងទាប ហេតុនេះសរីរាង្គបង្ខំត្រូវយកថាមពលស្តុកទុកពីថ្លើម, ធ្វើឲ្យថ្លើមនៅក្នុងស្ថានភាពហួសកម្លាំង ។ ជាងនេះទៀត ប្រសិនពេលព្រឹកមិនបរិភោគ, ដល់ម៉ោងប្រមាណ ៩ ឬ ១០ អ្នកនឹងឃ្លាន, រមូរពោះ សម្ពាធឈាមចុះទាប, បង្ករបួសធ្ងន់ធ្ងរដល់ប្រព័ន្ធរំលាយអាហារ ។ សន្សឹមៗសមត្ថភាពប្រព័ន្ធភាពស៊ាំរបស់សរីរាង្គត្រូវថមថយ ។
. កើនទម្ងន់
យោងតាមការស្រាវជ្រាវ, អ្នកមិនបរិភោគអាហារព្រឹកមានហានិភ័យឡើងទម្ងន់ខ្ពស់ជាង, ដើរផ្ទុយនឹងគោលដៅបញ្ចុះទម្ងន់របស់ខ្លួន ។ បោះបង់អាហារព្រឹក នឹងជំរុញភាពឃ្លានអាហារមានស្ករ និងជាតិខ្លាញ់ ។
. ឆាប់ចាស់
ដោយសារមិនបរិភោគអាហារព្រឹក ហេតុនេះសរីរាង្គបង្ខំត្រូវប្រមូលបរិមាណស្ករ និងប្រូតេអ៊ីន ត្រូវបានស្តុកទុកស្រាប់ដើម្បីធ្វើសកម្មភាព, ធ្វើឲ្យផ្ទៃខាងក្រៅរបស់ស្រទាប់ស្បែកត្រូវស្ងួត, បាត់ជីវជាតិ, ដូច្នេះងាយលេចឡើងស្នាមជ្រួញនៅតំបន់មុខ និងភ្នែក ។
. ឥទ្ធិពលដល់ការចងចាំ
តាមស្រាវជ្រាវបង្ហាញថា អ្នកមិនបរិភោគអាហារព្រឹកមានការចងចាំអន់ ហើយកម្រិតនឿយហត់ក៏ខ្ពស់ជាង ហត់ខ្ពស់ជាង អ្នកបានបរិភោគ ។
. មូលហេតុរបស់ជំងឺមួយចំហៀងក្បាល
ទម្លាប់បោះបង់អាហារព្រឹក ធ្វើឲ្យបរិមាណស្ករធ្លាក់ចុះ នាំដល់ការរំញោចសកម្មភាពរំដោះអ័រម៉ូន អាចបំពេញឲ្យកម្រិតជាតិស្ករក្នុងឈាមទាប ។ រឿងនេះធ្វើឲ្យកើនសម្ពាធឈាម, បង្កការឈឺ១ចំហៀងក្បាល ៕ លីសា
