ឪពុកម្តាយជាច្រើន តែងត្រៀមសម្រាប់កូនតូចរបស់ខ្លួននូវខ្នើយមួយដើម្បីកើយពេលគេង, តែនោះជាទស្សនៈខុសឆ្គង ។
ស្ថាប័នសុខភាពល្បីៗលើពិភពលោក បានទូន្មានអ្នកជាឪពុកម្តាយមិនគួរឲ្យកូនកើយខ្នើយមុនអាយុ ១ ឆ្នាំ ។ រឿងនេះនឹងជួយទារកបញ្ចៀសបានការថប់ដង្ហើម ដែលអាចនាំដល់ការស្លាប់ប្រថុចញ៉ុច ។
តាមអ្នកជំនាញការ, ក្មេងតូចៗមិនត្រូវការខ្នើយ ។ ប្រការនេះ គឺដោយសារភាពខុសប្លែកគ្នារវាងឆ្អឹងខ្នងរបស់មនុស្សធំ និងកូនក្មេង ។ នៅមនុស្សធំ ផ្នែកកមានផ្នែកឆ្អឹងបានកោង ដែលទាមទារត្រូវប្រើប្រាស់ខ្នើយកើយដើម្បីជួយឲ្យកបានស្រួលជាង ។ ចំណែកចំពោះក្មេងតូច ពិសេសគឺទារកទើបកើត ផ្នែកឆ្អឹងខ្នងគឺត្រង់ ។ ប្រសិនពេលគេងកើយខ្នើយ ពិសេសខ្នើយខ្ពស់ វានឹងមានអារម្មណ៍ពិបាកទ្រាំ បង្កសម្ពាធ និងអាចបណ្តាលឲ្យពិបាកដកដង្ហើម ។ ហើយនៅទីតាំងគេងមួយណានោះ ខ្នើយនឹងគ្របច្រមុះ និងមាត់របស់ក្មេង បង្កការថប់ដង្ហើម ។ ទន្ទឹមនោះ ពេលគេងក្មេងច្រើនបន្លាស់ទីញឹកញាប់លើគ្រែ ៕ លីសា
