ស្រីស្អាតម្នាក់នៅក្នុងប្រទេសថៃ បានសម្រេចយករឿងដ៏ខកចិត្តមួយ ចែករំលែកនៅលើហ្វេសប៊ុកកាលពីថ្ងៃចន្ទ បន្ទាប់ពីសាក់របស់នាងដែលត្រូវបានសន្មត់ថាជាដើមរុក្ខជាតិម្យ៉ាងរ៉េរាំនៅក្នុងខ្យល់ដ៏ស្រស់ស្អាត បានជាលេចចេញនូវអ្វីដែលមើលទៅហាក់ដូចជាគំនរឈើឆ្កាងរសាត់អណ្តែតនៅក្នុងលំហអាកាសទៅវិញ ។
យោងតាមប្រភពព័ត៌មាន ស្រីស្អាតម្នាក់ឈ្មោះ Alisa Kingkan អាយុ ២៦ ឆ្នាំ មកពីខេត្ត Sakon Nakhon បានកើតទុក្ខមិនសុខចិត្តរហូតដាក់ពាក្យប្តឹងទៅប៉ូលីស ដើម្បីធ្វើកំណត់ហេតុបទពិសោធន៍ដ៏អាក្រក់របស់នាង ប្រឆាំងជាងសាក់ម្នាក់ ដែលបានបើកហាងសាក់របស់គាត់នៅឯផ្សាររាត្រីក្នុងតំបន់មួយ ។
Alisa បានប្រាប់អ្នកសារព័ត៌មានថា នាងបានឡើងផ្សារជាមួយបងស្រីរបស់នាង កាលពីយប់ថ្ងៃអាទិត្យ នៅពេលនោះ ពួកគេទាំងពីរបានឆ្លងកាត់ហាងសាក់ ដែលបានសន្យាជាមួយតម្លៃសេវាក្នុងតំម្លៃចាប់ផ្តើមត្រឹមតែ ២០ បាត (០,៦០ ដុល្លារអាមេរិក) ។
បន្ទាប់ពីបង្ហាញរូបតំណាងនៃផ្ការុក្ខជាតិនោះ ដែលនាងចង់ចាក់ ម្ចាស់ហាងបាននិយាយថា គាត់អាចធ្វើវាក្នុងតម្លៃទាប ៣០០ បាត (៩ ដុល្លារអាមេរិក) ។
ខណៈជាងសាក់នោះកំពុងចាក់រូបនៅលើស្លាបប្រចៀវស្មារបស់នាង ស្រីស្អាតវ័យ ២៦ ឆ្នាំ រូបនេះ បានចាប់ផ្តើមមានការព្រួយបារម្ភជាខ្លាំង នៅពេលគាត់ស្រាប់តែចាប់ផ្តើមជក់បារី និងផឹកស្រាបៀរ ។
នៅលើទំព័រហ្វេសប៊ុក Alisa បានសរសេរថា នាងបានចាប់ផ្តើមស្រែកយំភ្លាម នៅពេលនាងឆ្លុះកញ្ចក់ ដើម្បីពិនិត្យមើល «ផលិតផល» សាក់របស់នាងត្រូវបានបញ្ចប់ ។
ជំនួយសឲ្យដើមរុក្ខជាតិ១ដើម កំពុងរ៉េរាំយ៉ាងស្រស់ស្អាតនៅក្នុងខ្យល់ នៅលើស្លាបប្រចៀវស្មារបស់ Alisa បែរជាគ្របដណ្តប់នៅអ្វីដែលមើលទៅហាក់ដូចជា «ឈើឆ្អាង» រសាត់រណែតនៅក្នុងលំហអាកាសទៅវិញ ។
Alisa បានបង្ហាញថា ការឆ្លើយតបរបស់ម្ចាស់ហាងសាក់នោះ ចំពោះការខកចិត្តរបស់នាង គឺត្រូវតែប្រាប់នាងថា ធ្វើយ៉ាងណាវាជា «សិល្បះ» ។
ក្នុងការសម្រួលបញ្ហានេះ ជាងសាក់នោះបាននិយាយថា គាត់នឹង «កែតម្រូវ» វាឡើងវិញ ។
ប៉ុន្តែ ដោយខ្លាចក្រែងថា គាត់នឹងតែធ្វើវាកាន់តែអាក្រក់ជាងនេះ Alisa បានសម្រេចចិត្តមិនឲ្យគាត់ធ្វើឡើងវិញទេ ៕
ដោយ៖ ចន្ទី
ប្រភព៖ says