នេះជាវីដេអូមួយបង្ហាញឲ្យឃើញខណៈពេលដែលអ្នកជិះម៉ូតូអគ្គិសនីម្នាក់ ត្រូវបានសម្លាប់គួរឲ្យអាសូរបំផុត ដោយរថយន្តធុនធំ១គ្រឿង ដែលបានក្រឡាប់ និងកិនពីលើទាំងកម្រោល ស្ថិតនៅលើដងផ្លូវមួយកន្លែង នៅក្នុងប្រទេសចិន ។
តាមរយៈវីដេអូ បុរសម្នាក់ខណៈជិះម៉ូតូដល់កន្លែងកើតហេតុ ក៏បានបត់ឆ្លងផ្លូវភ្លាមៗពុំប្រុងប្រយ័ត្ន ស្របពេលដែលរថយន្តធំ១គ្រឿង ចូលមកដល់ក្នុងល្បឿនដ៏លឿន ចាប់ហ្វ្រាំងគេចពីការបុកភ្លាមៗ បណ្តាលឲ្យរ៉េក្រឡាប់ពីលើអ្នកជិះកង់នោះទាំងកម្រោលតែម្តង ។
រថយន្តនោះត្រូវបានគេរាយការណ៍ឲ្យដឹងថា បានក្រឡាប់ចាក់ចោលដបស្រាបៀរបែករ៉ាយប៉ាយនៅលើដងផ្លូវតែម្តង ។ ខណៈជនរងគ្រោះពុំត្រូវបានរាយការណ៍ឲ្យដឹងថាស្លាប់ ឬ រងរបួសធ្ងន់ធ្ងរយ៉ាងណានោះទេ ៕
ដោយ៖ ឧត្តម
ប្រភព៖ Liveleak
