តាម Daily Mail ពង្រាងច្បាប់មួយសម្រាប់បុរសនៅប្រទេសនេះ បានដាក់ទណ្ឌកម្មដោយជាប់ពន្ធនាគារ ៧ឆ្នាំ ប្រសិនហ៊ានបដិសេធមិនព្រមរៀបការនឹងនារីដែលមានកូនរបស់ខ្លួនក្នុងផ្ទៃទេ ។
លោក Naw Tha Wah នាយកស្ថាប័នសុខមាលភាពសង្គមភូមាប្រាប់ AFP ថា ៖ “យើងខ្ញុំកំពុងពង្រាងច្បាប់ថ្មីមួយ ដើម្បីការពារស្ត្រី ការពារពួកគេឲ្យចាកផុតពីអំពើហិង្សាក្នុងគ្រួសារ ។ ស្ត្រីអាចប្តឹងតវ៉ា ប្រសិនពួកគេរងការគំរាមកំហែងធ្វើបាប មិនបានរៀបការក្រោយការរួមរស់គ្នា១រយៈ…។ យើងបានត្រៀមការពារពួកគេតាមរយៈអំណាចនៃច្បាប់ ។
លោក New Tha Wah សង្កត់ធ្ងន់ថា ៖ “…នឹងមានទណ្ឌកម្មជាក់លាក់ សម្រាប់បុរសៗដែលបានធ្វើឲ្យដៃគូរបស់ខ្លួន មានគភ៌ហើយប្រើវិធីផ្សេងៗដើម្បីគេចពីមង្គលការ -ការទទួលខុសត្រូវចំពោះ “កូន” របស់ខ្លួន ដែលស្ថិតក្នុងផ្ទៃរបស់ដៃគូ ។ នេះជាការព្រមានដល់បុរសព្រាននារីទាំងឡាយ ។
រដ្ឋសភាភូមា
រដ្ឋមន្ត្រី Naw Tha Wah នៅបានឲ្យដឹងថា ក្រោយសភាអនុម័តច្បាប់នេះ គេនឹងបន្តពង្រាងច្បាប់ ប្រឆាំងនឹងហិង្សាក្នុងគ្រួសារ ព្រមទាំងការ “រំខានផ្លូវភេទនៅស្ថាប័នសាធារណៈ” ៕ លីសា