ព្រះចៅអធិរាជជប៉ុន ព្រនាម អាគីហ៊ីតូ (Akihito) ដែលទទួលបានការគោរព និងស្រឡាញ់ខ្លាំងបំផុតពីប្រជាជនជប៉ុន នឹងធ្វើការដាក់រាជ្យនៅថ្ងៃទី ៣០ ខែមេសា ឆ្នាំ ២០១៩។ ការលាលែងនេះនឹងធ្វើឲ្យព្រះអង្គក្លាយជាព្រះមហាក្សត្រជប៉ុនទី១ ដែលបានដាក់រាជ្យក្នុងរយៈពេល ២សតវត្សន៏ចុងក្រោយនេះ។ នេះបើតាមការចេញផ្សាយរបស់សារព៌តមានអាមេរិច CNN។
ការបរិច្ឆេតនៃការដាក់រាជ្យនេះត្រូវបានប្រកាសដោយនាយករដ្ឋមន្ត្រីជប៉ុន ហ្សីនហ្សូ អាប៊េ (Shinzo Abe) នៅថ្ងៃសុក្រនេះ។
រាជទាយាទ ព្រនាម ណារ៉ូហ៊ីតូ (Naruhito) នឹងស្នងតំណែងជំនួសព្រះបិតារបស់ព្រះអង្គនៅថ្ងៃទី ១ ខែឧឆ្នាំ ឆ្នាំ ២០១៩។
កាលពីខែ សីហា ឆ្នាំ ២០១៦ ព្រះចៅអធិរាជ អាគីហ៊ីតូ ដែលមានព្រះជន្ម ៨៣ព្រះវស្សា បានថ្លែងថា វ័យ និងសុខភាពរបស់ព្រះអង្គ វាធ្វើឲ្យព្រះអង្គពិបាកក្នុងការបំពេញភារៈកិច្ច។
ក្រោយពីព្រះអង្គមានបន្ទូលចង់ដាក់រាជ្យ រដ្ឋសភាជប៉ុនបានអនុម័តច្បាប់មួយកាលពីខែមិថុនាកន្លងទៅ ដើម្បីអនុញ្ញាតិឲ្យព្រះអង្គអាចដាក់រាជ្យបាន ប្រសិនជាព្រះអង្គចង់។
ព្រះចៅអធិរាជ្យជប៉ុនមិនមានអំណាចនយោបាយអ្វីទេ ប៉ុន្តែគ្រាន់តែព្រះអង្គមានភារៈកិច្ចផ្លូវការមួយចំនួន ដូចជាទទួលស្វាគមន៏មន្ត្រីជាន់ខ្ពស់បរទេសជាដើម៕ សុភ័ក្ត្រ