ថ្ងៃហូលីដេ «កោះសិច» ដែលផ្តល់សេវាកម្មដូចជា សេពគ្រឿងញៀន, ស្រា និងពិធីជប់លៀងដ៏ធំហួសប្រមាណ បានកក្រើកឡើងវិញ ទោះបីមានការរិះគន់យ៉ាងខ្លាំងយ៉ាងណាក៏ដោយ ។
សូមបញ្ជាក់ថា ដំណើរកំសាន្តដ៏ចម្រូងចម្រាស់នេះ ដែលត្រូវបានផ្សព្វផ្សាយកាលពីឆ្នាំមុន បានបង្កឲ្យមានការប្រឆាំងជាសាធារណៈ ហើយវីដេអូប្រូម៉ូតសិននៃថ្ងៃវិស្សមកាល បង្ហាញសកម្មភាពស្រីស្រស់សម្តែងដ៏ស្រើបស្រាលឥតលាក់លៀមនេះ ក៏ត្រូវបានលុបចេញពីដោយក្រុមហ៊ុន YouTube ហើយព្រឹត្តិការណ៍នេះក៏បានផ្លាស់ប្តូរទីតាំងផងដែរ ដោយសារតែបារម្ភផ្នែកសន្តិសុខ ។
នៅឆ្នាំនេះ ពិធីជប់លៀងនឹងត្រូវបានធ្វើឡើងនៅកោះឯកជនមិនទាន់ស្គាល់ឈ្មោះមួយ នៅក្នុងតំបន់ការ៉ាប៊ីន ដោយមានបុរស ៣០ នាក់ ដែលអាចទន្ទឹងរង់ចាំ «ការរួមភេទគ្មានដែនកំណត់» ជាមួយ «ស្រី្ត Latina ដ៏ស្រស់ៗស្អាត» ។
វេបសាយនៃក្រុមហ៊ុនដំណើរកម្សាន្តដ៏មិនធម្មតានេះ បានសន្យាផ្តល់ស្ត្រី២នាក់ សម្រាប់អតិថិជននូវរាល់សកម្មភាពផ្លូវភេទ, បង្ហាញសិចស្តែងៗ, ពិធីជប់លៀងនៅលើនាវាកម្សាន្តដ៏ប្រណីត និងផ្តល់ការ «surprise» ។ ហើយតម្លៃសរុបចំនួន ៤,៦០០ ផោន ក្នុងម្នាក់ៗ ដោយបូករួមទាំងអាហារ និងគ្រឿងស្រវឹងផងដែរ ។
ក្រុមអ្នករៀបចំកម្មវិធីនេះឈ្មោះថា Good Girld Co បាននិយាយថា ព្រឹត្តិការណ៍នេះគឺស្របច្បាប់ ហើយបដិសេធនូវរាល់ការអះអាងថាជាទង្វើជួញដូរមនុស្ស ដោយនិយាយថា ស្ត្រីទាំងអស់សុទ្ធតែមានអាយុលើសពី ១៨ ឆ្នាំ ហើយបានចូលរួមដោយឆន្ទះផ្ទាល់ខ្លួនរបស់ពួកគេ ។
ទោះបីជាសកម្មភាពពេស្យាចារ ស្របច្បាប់នៅក្នុងប្រទេសកូឡុំប៊ី ទីកន្លែងដែលដំណើរកម្សាន្តនេះកាលពីឆ្នាំ២០១៧ ត្រូវបានរៀបចំឡើងក៏ដោយ ក៏វាគ្រាន់តែត្រូវបានអនុញ្ញាតឲ្យធ្វើនៅក្នុង «តំបន់អនុគ្រោះ» ជ្រើសរើសទុកជាមុនមួយ ។ ព្រោះថា ទិសដៅនៃព្រឹត្តិការណ៍ឆ្នាំនេះពុំត្រូវបានដឹង ហើយវានៅតែមិនដឹងច្បាស់ថាតើក្រុមហ៊ុននេះកំពុងរំលោភលើច្បាប់ដែរ ឬ យ៉ាងណា ៕
ដោយ៖ ចន្ទី
ប្រភព៖ independent.co.uk