តាម NDTV ជនល្មើសអាយុជិត៣០ឆ្នាំ បានរៀបការ ហើយកំពុងរស់នៅក្នុងភូមិ Chapraula ជាយក្រុងNew Delhi។ស្ត្រីរូបនេះបានត្រូវចោទប្រកាន់ថាបានលួងលោមក្មេងប្រុសអាយុ១៣ឆ្នាំ មកផ្ទះរបស់នាងកាលពីចុងសប្តាហ៍មុនឱ្យទំនាក់ទំនងផ្លូវភេទ ប៉ុន្តែត្រូវបានក្មេងប្រុសរូបនេះបដិសេធ។ ព្រោះតែខឹងទ្រាំលែងបាន នាងក៏យកប្រដាប់កៀបធ្យូងនៅក្នុងចង្ក្រានមកដុតប្រដាប់ភេទក្មេងប្រុសនោះតែម្តង។
តាមម្តាយរបស់ជនរងគ្រោះ ស្ត្រីនោះធ្លាប់បានលួងលោមកូនប្រុសគាត់ឱ្យធ្វើរឿងផ្តេសផ្តាសនេះច្រើនលើកហើយ។ក្រោយពេលរឿងរ៉ាវត្រូវបានរាយការណ៍ប្រាប់ប៉ូលិសស្ត្រីខាងលើបានគេចចេញពីភូមិបាត់។
នៅថ្ងៃទី៩ខែតុលា ប៉ូលិសបានធ្វើការចោទប្រកាន់ ហើយចេញលិខិតស្វែងរកចាប់ខ្លួន ។នេះជារឿងថ្មីបំផុត ដែលកន្លងមកនៅប្រទេសនេះតែងកើតមានជារឿយៗនូវករណីបុរសៗចាប់រំលោភនារីភេទ ប៉ុន្តែឥឡូវវាជារឿងនារីចាប់ក្មេងប្រុសរំលោភវិញ៕
សូយន