ភ្នំពេញ ៖ បណ្តាញហ្វេសប៊ុកបាននិយាយរិះគន់ចំពោះជនជាតិចិន មករកស៊ីនៅស្រុកខ្មែរ ហើយជិះរថយន្តស៊េរីទំនើប និងពាក់ស្លាកលេខកងយោធពលខេមរភូមិន្ទ តែមន្ត្រីជំនាញបានលើកឡើងថា ការលាបពណ៌ និងការបង្ខូចមួលបង្កាច់គ្នា វាមិនមែនជាប្រពៃណីដូនតាយើងទេ ហើយមានគេហទំព័រមួយចំនួន បានចុះទាំងងងើលល្ងីល្ងើពកថ្ងាស់ ចោទប្រកាន់ថា ចិនជិះរថយន្តស្លាកលេខ ខ.ម ទៅហូបបាយនៅហាងបាយចិន តែតាមពិតថ្នាក់ដឹកនាំជិះរថយន្តរបស់ខ្លួនទៅ ពិភាក្សាការងារ បម្រើជាតិមាតុភូមិ ។
អគ្គនាយកដ្ឋានសម្ភារបច្ចេកទេសនាយកដ្ឋានយន្តយុទ្ធ នៅថ្ងៃទី១២តុលានេះបានឲ្យដឹងថា របត់នៃការលាបពណ៌ និងការបង្ខូចមួលបង្កាច់គ្នា វាមិនមែនជាប្រពៃណីដែលដូនតាយើង បន្សល់ទុកឲ្យហើយឪពុកម្តាយរបស់យើងក៏មិនដែលប្រៀនប្រដៅ ឲ្យធ្វើបែបនេះដែរ តើហេតុអ្វីបានជាយើងចេះតែនាំគ្នាឆ្កួតបែបនេះទៅវិញ? ឧទាហរណ៍ករណីខាងក្រោមនេះ មានគេហទំព័រមួយចំនួន បានចុះទាំងងងើលល្ងីល្ងើពកថ្ងាស់ ចោទប្រកាន់ថា ចិនជិះរថយន្តស្លាកលេខ ខ.ម ទៅហូបបាយនៅហាងបាយចិន។ ហើយក៏មានគេហទំព័រតែៗស្កៗមួយចំនួនទៀត បានចែករំលែកពេញបណ្តាញសង្គម Facebook ចោទប្រកាន់តាមគេតាមឯង ទាំងមិនដឹងខ្យល់អី។ ខ្ញុំសូមជម្រាបអស់លោកថា ការលួចថតរូបរថយន្តរបស់ថ្នាក់ដឹកនាំក្រសួងនីមួយៗ យកទៅចុះមួលបង្កាច់បង្ខូច ដល់ស្ថាប័នគេគឺមានទោសពេញទំហឹង។ រថយន្តទាំងនោះ មួយគ្រឿងជារបស់នាយឧត្តមសេនីយ៍(ផ្កាយបួន) ពីរគ្រឿងជារបស់ឧត្តមសេនីយ៍ឯក(ផ្កាយបី) និងពីរគ្រឿងទៀតជារបស់ឧត្តមសេនីយ៍ទោ(ផ្កាយពីរ) ដែលពេលនោះក្រុមការងារគាត់ទាំងប្រាំនាក់បានទៅក្រុមហ៊ុន ម៉ោនបេស្ស អ៊ីនវ៉េសមិន នៅជាប់ហាងចិនដើម្បីពិភាក្សាការងារ បម្រើជាតិមាតុភូមិ តែបែរជាត្រូវអស់លោកអ្នកជំនាញសារព័ត៌មាន ដ៏ខ្ពង់ខ្ពស់មកលាបពណ៌ ឲ្យគាត់យ៉ាងនេះទៅវិញ។ ខ្ញុំសូមសួរអស់លោក ថាតើអស់លោកមានអារម្មណ៍យ៉ាងណា នៅពេលដែលបានអានអត្ថបទនេះចប់? តើអស់លោកមានចិត្តចង់ផ្លាស់ប្តូ អាចរិកលាបពណ៌នឹងចេញខ្លះដែរឬទេ? ធ្វើល្អរមែងបានផលល្អណាអស់លោក។
អគ្គនាយកដ្ឋានសម្ភារបច្ចេកទេសនាយកដ្ឋានយន្តយុទ្ធ ប្រតិកម្មបែបនេះនៅដែលផេកហ្វេសប៊ុក ឈ្មោះ Vann Saray បានសរសេរថា គាំទ្រការទាក់ទាញចិនមករកស៊ីនៅស្រុកខ្មែរ។ តែមិនយល់ថាហេតុអ្វីគ្រាន់តែមករកស៊ីសោះចាំពាក់ស្លាកលេខកងយោធពលខេមរភូមិន្ទ? ៕ ដោយ ៖ រចនា
