វីដេអូមួយដែលបង្ហាញឲ្យឃើញយុវវ័យស្រីថៃវ័យៗក្មេង៤នាក់ ចាក់ក្បាច់រាំនៅមុខបច្ឆា ដើម្បី «ជូនដំណើរ» របស់ពួកគេ ទៅកាន់ឋានបរលោក បានកំពុងបង្កការភ្ញាក់ផ្អើលយ៉ាងខ្លាំង នៅលើបណ្តាញសង្គម ។
ក្មេងស្រីវ័យៗក្មេង៤នាក់នោះ ដែលស្ថិតក្នុងសម្លៀកបំពាក់អាវយឺតខ្មៅ (២នាក់ ស្លៀកខោខូវប៊យខើចខ្លី និង២នាក់ទៀតខោក្រណាត់វែងជើងធំ) អាចត្រូវបានឃើញចាក់ក្បាច់រាំចង្វាក់រ៉ុកក្នុងក្លឹប ស្ថិតនៅពីមុខបច្ឆា ទីកន្លែងដែលសាកសពមិត្តភក្តិរបស់ពួកគេ កំពុងត្រូវបានបូជា ខណៈហ្វូងមនុស្សឈរមើល ។
ទោះយ៉ាងណា នារីម្នាក់ស្ថិតក្នុងសម្លៀកបំពាក់អាវយឺត ខោខូវប៊យទាន់សម័យ ដែលអង្គុយនៅគូទរថយន្ត SUV ពណ៌ស១គ្រឿង ដែលបញ្ចេញភ្លើងតន្ត្រីញាក់ភ្លិបភ្លែតៗ ស្ថិតនៅពីខាងក្រោយពួកគេទាំង៤ អាចត្រូវបានឃើញយំស្រណោះឥតល្ហែ ។
ទោះបីពុំមែនព័ត៌មានលម្អិតណាមួយ អំពីករណីនេះ តែអ្នកលេងអ៊ីនធើរណែតជាច្រើនជឿថា អ្នកដែលបានស្លាប់ទៅនោះគឺជា «coyotes» ជាក្រុមស្ត្រីថៃធ្វើការងារផ្នែករាំកំដរភ្ញៀវនៅតាមក្លឹបរាត្រី ឬ ភោជនីយដ្ឋានអាហារសមុទ្រ ។
យ៉ាងណាក៏ដោយ វីដេអូនេះទទួលប្រតិកម្មចម្រុះ ពីអ្នកលេងអ៊ីនធើរណែតមួយចំនួន ដែលបានរិះគន់ថា វាជាសកម្មភាព «ដ៏ពុំសមរម្យ» មួយ ដែលពួកគេមិនគួរណាមករាំនៅក្នុងវត្តបែបនេះ ។ អ្នកលេងម្នាក់ខមិនថា៖ «វាហាក់ដូចជាពួកគេសប្បាយណាស់ហើយមើលទៅ នៅពេលដែលមិត្តភក្តិរបស់ពួកគេស្លាប់» ៕
ដោយ៖ ចន្ទី
ប្រភព៖ Coconuts
