អំឡុងខែកញ្ញាកន្លងមកគូស្នេហ៍១គូគឺ ៖ Minh Anh និង Minh Khang បានរៀបការជាមួយគ្នាទន្ទឹមនឹងការពេបជ្រាយពីអ្នកភូមិ នៅប្រទេសវៀតណាម ។
ចម្លែកតែ ១-០-២ គឺ Minh Anh មានរាងកាយជាបុរសប៉ុន្តែចិត្តជាស្រី ខណៈ Minh Khang ខ្លួនប្រាណជាស្រី តែចិត្តជាប្រុស ។ ថ្វីត្បិតជាប្រុស ជាស្រី ប៉ុន្តែចម្លែកត្រង់ Minh Anh ដែលមានចិត្តជាស្រី (រាងកាយប្រុស) ក្លាយជាកូនក្រមុំ ខណៈ Minh Khang ដែលមានចិត្តជាប្រុស (រាងកាយជាស្រី) បានក្លាយជាកូនកម្លោះ នៅក្នុងអាពាហ៍ពិពាហ៍ ដ៏អធិកអធម ប្រព្រឹត្តទៅតាមប្រពៃណីវៀតណាម ដូចរូបភាពភ្ជាប់ជាមួយ ។
អ្នកទាំង២ រំលងចោលការពេបជ្រាយ រៀបការជាមួយគ្នាយ៉ាងអធិកអធម ។
អ្នកភូមិពេបជ្រាយថា កូនក្រមុំ (ដែលជាបុរស) បានពាក់សក់ក្លែងក្លាយក្នុងពិធីនោះ ។
អ្នកទាំង២ បែងចែកតួនាទី (កូនកម្លោះ-កូនក្រមុំ) តាមអត្តចរិក ពុំអនុលោមតាមភេទឡើយ ។
លើបណ្តាញសង្គមពិតជាមានការមាក់ងាយ ដោយប្រើពាក្យពេចន៍សាហាវៗ ដោយពូតផ្តុំលើភាពខ្វែងគ្នានៃភេទ និងរូបរាងកាយ ។ ពិសេសនៅពេលដែល “នារីជាប្តី” និយាយថា ៖ មិនថ្វីទេ ខ្ញុំនឹងពរពោះជំនួសភរិយា ដោយយក “ពង” របស់ខ្ញុំគួបផ្សំជាមួយ “ស្ពែម” របស់ភរិយា… ។ ផ្អែកតាមនោះបណ្តាញសង្គមប្រទេសនេះបានបន្តការវាយប្រហារ កាន់តែខ្លាំងឡើងថែមទៀត ។
ចុះប្រិយមិត្តវិញយល់យ៉ាងណាដែរ ចំពោះអាពាហ៍ពិពាហ៍ចម្លែកបែបនេះ!? ។
លីសា