ទៀតហើយ ! ជាថ្មីម្តងទៀតដែលអ្នករុករក MH 370 “មិនអាជីព” ម្នាក់ បានប្រកាសថា ខ្លួនបានរកឃើញកំណាត់ខាងមុខ ដែលជាបន្ទប់បើកបរ និងផ្នែកកន្ទុយយន្តហោះ មាន Logo របស់ MH 370 នៃក្រុមហ៊ុនអាកាសចរណ៍ម៉ាឡេស៊ី ស្ថិតក្នុងតំបន់ព្រៃក្រាស់ ភាគពាយ័ព្យ រាជធានីភ្នំពេញ ។
យន្តហោះ Boeing 777-200 មានលេខសម្ពាល់ MH 370 របស់ក្រុមហ៊ុនអាកាសចរណ៍ម៉ាឡេស៊ី ដែលដឹកអ្នកដំណើរ ២៣៩នាក់ ព្រមទាំងសមាជិកក្រុមហោះហើរផងដែរ បានបាត់ស្រមោលយ៉ាងអាថ៌កំបាំងនៅថ្ងៃទី ៨ ខែមីនា ឆ្នាំ ២០១៤ ពេលកំពុងហោះហើរពី Kuala Lumpur (ម៉ាឡេស៊ី) ទៅកាន់ប៉េកាំង (ចិន) ។
តាមកាសែត The Sun យុទ្ធនាការរុករកដ៏សកម្មផុសផុលមួយកំពុងប្រព្រឹត្តទៅសារជាថ្មី បន្ទាប់ពីអ្នកជំនាញការបច្ចេកវិទ្យាអង់គ្លេស Ian Wilson ប្រកាសថា បានរកឃើញទីតាំងសាកសពរបស់ MH 370 នៅក្នុងព្រៃក្រាសនាប្រទេសកម្ពុជា តាមរយៈការប្រើប្រាស់ប្រតិបត្តិការ Google Maps ។
អ្នករុករក MH370 មិនអាជីពម្នាក់ទៀតឈ្មោះ Daniel Boyer ទើបបានប្រកាសថា ៖ បណ្តារូបភាពផ្កាយរណបបាន “ទម្លាយ” ទីតាំងធ្លាក់របស់យន្តហោះ MH 370 ស្ថិតនៅចម្ងាយពីកន្លែងដែលលោក Wilson ប្រកាសជិត ១៦km ។ លោក Boyer អះអាងថា អាចសំឡឹងឃើញច្បាស់ទាំងបន្ទប់ហោះហើរ (នៅក្បាល) និងផ្នែកកន្ទុយរបស់យន្តហោះតាមរយៈរូបភាពផ្កាយរណប ដែលរាងព្រិល ។
គេហទំព័រ Daily Star ចុះផ្សាយថា បណ្តារូបភាព ដែលលោក Boyer ផ្តល់ឲ្យបង្ហាញឲ្យឃើញ”វត្ថុពណ៌ស” ច្រើនស្ថិតនៅផ្ទៃព្រៃភាគពាយ័ព្យ រាជធានីភ្នំពេញរបស់កម្ពុជា ។ តាមលោក Boyer វត្ថុមួយមានប្រវែងប្រមាណ ៥,៤២ ម៉ែត្រ ជិតស្មើនឹងទំហំស្តង់ដា នៃបន្ទប់ហោះហើររបស់យន្តហោះ Boeing 777 គឺ ៥,៨៨ ម៉ែត្រ ធ្វើឲ្យលោកជឿជាក់ថា វាជាផ្នែកខាងមុខ (កង់កំណាត់ខាងមុខ-យន្តហោះភ្ជាប់គ្នា មាន៣កង់ ឬកំណាត់ក្បាល ខ្លួន និង កន្ទុយ) របស់ MH 370 ។
លោក Boyer នៅបានអះអាងថា លោកបានសំឡឹងឃើញគំនូសពណ៌ក្រហម ដែលជា Logo របស់ Malaisia Airlines ស្ថិតនៅពីលើវត្ថុមួយទៀត ។ តាមលោកវាគឺជាផ្នែកកន្ទុយរបស់យន្តហោះ MH370 ដែលមានប្រវែង 9,66 m ដែលតាមស្តង់ដារ ផ្នែកកន្ទុយរបស់ Boeing 777 មានប្រវែងជាង 9m ។
លោក Boyer ពោល ៖ “គំហើញ” របស់ខ្លួនពិតជាចាំបាច់ណាស់សម្រាប់ការស៊ើបបញ្ជាក់ ។
ក្នុងពេលនោះអ្នកជំនាញការបច្ចេកវិទ្យា Wilson បង្ហើបថា ខ្លួនកំពុងរៀបចំផែនការជាមួយប្អូនប្រុស ដើម្បីទៅដល់តំបន់ព្រៃកម្ពុជាដើម្បីរកសាកសព MH 370 បំណងដណ្តើមយករង្វាន់សាច់ប្រាក់ដល់ទៅ ៦៩,៧លានដុល្លារ ។
ពេលនេះពួកគេទើបសម្រេចបែបបទ ក្នុងការចាក់ថ្នាំការពារលើកចុងក្រោយ និងការជួលអ្នកនាំផ្លូវ ៕ ចន្ទ្រា