ព្រៃវែង ៖ គណៈកម្មការផលិតទូកង ដើម្បីបំបែកឯតទគ្គកម្មពិភពលោក នៅថ្ងៃទី១៤ តុលា ២០១៨ បានចេញសេចក្តីប្រកាសព័ត៌មាន ស្តីពីការរៀបចំពិធីកំណត់ត្រាឯតទគ្គកម្ម ទូក ង វែងជាងគេ។
គណៈកម្មការផលិតទូក ង ដើម្បីបំបែកឯតទគ្គកម្ម ពិភពលោក មានកិត្តិយសសូមគោរពជម្រាបជូន ពុកម៉ែ បងប្អូនសាធារណជនទាំងអស់ មេត្តាជ្រាបថា ពិធីបំបែកឯតទគ្គកម្មពិភពលោក ទូក ង វែងជាងគេលើពិភពលោក នឹងប្រារព្ធនៅថ្ងៃចន្ទ៥កើត ខែកក្តិក ឆ្នាំច សំរឹទ្ធស័ក ពស ២៥៦២ ត្រូវនឹងថ្ងៃទី១២ ខែវិច្ឆិកា ឆ្នាំ២០១៨ តំបន់ប្រជុំជនអ្នកលឿងត្រើយខាងកើត ។
សូមបញ្ជាក់ថា ទូក ង វែងជាងគេ ដែលបាននិងកំពុងផលិតនាទឹកដីខេត្តព្រៃវែង ពេលនេះជិតរួចរាល់ជាស្ថាពរហើយ មានប្រវែង៨៥,៥ម៉ែត្រ និងមានចំណុះទូក ១៧៩នាក់ ។
លោក ស សុខា បានថ្លែងអំណរគុណ យ៉ាងជ្រាលជ្រៅចំពោះក្រុមការងារ នៃគណៈកម្មការ និងក្រុមជាង ដែលបាន និងកំពុងប្រឹងប្រែងអស់កម្លាំងកាយចិត្ត ដើម្បីផលិតទូក ង ដ៏អស្ចារ្យនេះប្រកបដោយជោគជ័យ និងនាំមកនូវភាពល្បីល្បាញលើឆាកអន្តរជាតិ សម្រាប់កម្ពុជាយើង នាពេលខាងមុខ៕ ដោយ ៖ កូឡាប
ព័ត៌មានលំអិត ៖ សូមអានសេចក្តីប្រកាសព័ត៌មាន ខាងក្រោម ៖
