បុរសម្នាក់បានសម្រេចចិត្តលែងលះប្រពន្ធ ដោយសារតែនាងផិតក្បត់ បន្ទាប់ពីគាត់បានឃើញរូបភាពរបស់នាងអង្គុយឲ្យបុរសម្នាក់ដេកកើយភ្លៅ នៅក្នុង Google Maps។
រូបថតរបស់ស្ត្រីម្នាក់អង្គុយនៅលើបង់ ហើយមានបុរសម្នាក់ផ្សេងទៀតដេកកើយភ្លៅនាង ត្រូវបានថតដោយឡានកាមេរ៉ារបស់ក្រុមហ៊ុន Google នៅក្នុងរដ្ឋធានី Lima ប្រទេសប៉េរូ។ រូបភាពនោះ ធ្វើឲ្យបុរសជាប្តីមានការភ្ញាក់ផ្អើលយ៉ាងខ្លាំង ដោយសារតែគាត់មើលទៅស្ត្រីម្នាក់នោះមានរូបរាងដូចប្រពន្ធគាត់ ហើយសូម្បីសំលៀកបំពាក់ក៏ដូចគ្នាដែរ។
រឿងនេះបានកើតឡើងកាលពីឆ្នាំ ២០១៣ ហើយប្តីរបស់គាត់មានការខឹងសម្បារយ៉ាងខ្លាំង។
ប្តីប្រពន្ធទាំងពីរ ដែលមិនត្រូវបានគេបញ្ចេញឈ្មោះឲ្យដឹង បានសម្រេចចិត្តលែងលះគ្នា បន្ទាប់ពីស្ត្រីជាប្រពន្ធ បានទទួលស្គាល់ថា មានស្នេហាលួចលាក់៕ សុភ័ក្ត្រ
ប្រភព៖ Mirror
