ជាការពិតណាស់ សម្រាប់មនុស្សដែលរើសបាន ឬ ឃើញឱកាសល្អ ដែលរបស់ទ្រព្យអ្នកដទៃភ្លេចនៅកន្លែងរបស់ខ្លួន ហើយមានទឹកចិត្តប្រកាសរក ឬ យកទៅប្រគល់ឲ្យផ្ទាល់ម្ចាស់វិញ វាជារឿងដ៏កម្រណាស់ ។ ប៉ុន្តែ សម្រាប់បុរសជារត់តាកស៊ី Pass App ចិត្តត្រង់ម្នាក់នេះវិញដែលមានឈ្មោះ លឿង សេងលី បានធ្វើឲ្យគេកោតសរសើរជាខ្លាំង បន្ទាប់ពីគាត់បានធ្វើទង្វើដ៏ល្អមួយនេះ នៅពេលអ្នកដំណើររបស់គាត់ម្នាក់បានភ្លេចទូរស័ព្ទនៅលើនោះ តែគាត់បែរជាពុំស៊ីដាច់ និងព្យាយាមទាក់ទងយកប្រគល់ឲ្យម្ចាស់ដើមវិញ ។
សូមបញ្ជាក់ថា រឿងដ៏កម្រនេះបានកើតឡើង នៅពេលតារាកំប្លែងស្រីវ័យក្មេងរូបស្រស់ គឺកញ្ញា នីឡា បានជិះតាក់ស៊ីបុរសខាងលើទៅធ្វើការ ហើយនាងក៏បានភ្លេចនៅលើនោះ ប៉ុន្តែ ដែលអ្នករត់តាក់ស៊ីរូបរាងសង្ហាគួរសមម្នាក់នេះ គាត់ពុំមានជាមនុស្សចង់បានរបស់គេ ហើយបានព្យាយាមទាក់ទង និងប្រគល់ជូនឪពុករបស់នាងគឺលោកតាវិចទ័រផ្ទាល់តែម្តង ។
បើយោងតាមលោកតាវិចទ័រ បានសរសេររៀបរាប់ករណីខាងលើនេះនៅលើគណនីហ្វេសប៊ុករបស់គាត់យ៉ាងដូច្នេះ៖ «នីឡាភ្លេចទូរសព្ទពេលជឹះPassAppទៅធ្វើការ។ក្មួយប្រុសអ្នករត់តាក់សុីPass Appបានយកទូរសព្ទដែលនាងភ្លេចមកប្រគល់អោយខ្ញុំដល់ផ្ទះ។ក្នុងនាមជាឪពុកពូសូមថ្លែង អំណរគុណដល់ក្មួយប្រុសជាពន់ពេកដែលក្មួយមានសណ្តានចិត្តដ៏ល្អកម្ររកបាននេះ។ ពូសូមជូនពរក្មួយប្រុសមានសុខភាពល្អប្រកបការងារកាន់តែរីកចំរើន។(ខ្ញុំបានសួរថាក្មួយឈ្មោះអី? បាទខ្ញុំឈ្មោះលឿង សេងលី!) សូមសុខសប្បាយណាក្មួយប្រុសលឿង សេងលី» ។
ដោយ៖ ឧត្តម
