មង្គលការជារឿងសំខាន់បំផុត១ក្នុងឆាកជីវិតមនុស្សម្នាក់ៗ ។ នៅវេលានោះ អ្នកណាៗក៏ចង់មានពិធីដ៏អធិកអធម ស្លៀកសម្លៀកបំពាក់ល្អឆើតឆាយ ពិសេសគឺកូនក្រមុំ តែងចង់បានគ្រងរ៉ូបអាពាហ៍ពិពាហ៍… ។
នេះជាឈុតរៀបការរបស់កូនក្រមុំអ្នកក្រខ្សត់ម្នាក់…
យ៉ាងណាជីវិតពិតពុំដូចគ្នាទេ! ភាគច្រើនព្រោះតែស្ថានភាពគ្រួសារមិនអនុញ្ញាត ពួកគេអាចមានត្រឹម “១កំប្លេរ” សមរម្យនឹងភ្នែកអ្នកផងប៉ុណ្ណោះ ។
ប៉ុន្តែចំពោះកូនក្រមុំដ៏ស្រស់សោភា នៅចិនម្នាក់នេះ ព្រោះតែក្រនាងបានស្លៀកត្រឹម “ឈុត” ពណ៌ខ្មៅធ្វើពី…ថង់សំរាមបង្កើតឡើងដោយកូនកម្លោះផ្ទាល់តែប៉ុណ្ណោះ ។
ដំណើររឿងអាចធ្វើឲ្យអ្នកធូរធារទាំងឡាយស្រឡាំងកាំង ។ តាមនោះកូនកម្លោះ ក្រមុំ ទាំងពីរបានស្រឡាញ់គ្នាជាយូរមកហើយ ហើយគ្រួសារទាំងសងខាង ពិតជាក្រីក្រតោកយ៉ាក បង្ខំឲ្យពួកគេមកស៊ីឈ្នួលនៅទីក្រុងតាំងពីតូចម្លេះ ។
គ្រួសារកូនកម្លោះគ្មានយានជំនិះ ដើម្បីទទួលកូនក្រមុំយកមកផ្ទះខ្លួនតាមប្រពៃណី និងថែមទាំងពុំមានលទ្ធភាពជួលរ៉ូបអាពាហ៍ពិពាហ៍ ១ត្រឹមត្រូវសម្រាប់កូនក្រមុំ… ។ យ៉ាងនេះក្តីក៏នាងជាកូនក្រមុំប្តូរផ្តាចសម្រេចចិត្តមករួមរស់ក្នុងផ្ទះកូនកម្លោះ ។
អាពាហ៍ពិពាហ៍បានប្រព្រឹត្តទៅកាលពីថ្ងៃទី ១០ ខែតុលា កន្លងមកនេះ ហើយដើម្បីរឹតត្បិតចំណាយ អ្នកទាំង ២ បានវិលទៅភូមិកំណើតរបស់ខ្លួនដើម្បីរៀបការ ដោយមានតែសាច់ញាតិ និងមិត្តភក្តិស្និទ្ធស្នាលបំផុតចូលរួម ។
ក្នុងមង្គលការនេះ តាមត្រូវកូនក្រមុំគួរបង្ហាញខ្លួនជាមួយសម្លៀកបំពាក់ប្រពៃណី ដែលជារ៉ូបពណ៌ក្រម ឬសស្គុះ ប៉ុន្តែនាងបានចេញមកសម្តែងការគួរសមនឹងភ្ញៀវដោយរ៉ូបវាលក ពណ៌ខ្មៅ ព្រោះវាត្រូវបានធ្វើពីថង់នីឡុងសម្រាប់ដាក់…សំរាម ។
បាច់ផ្កាក្នុងដៃកូនក្រមុំគឺជាផ្កាព្រៃ ដែលកូនកម្លោះដើរបេះដោយផ្ទាល់ដៃ ។
គេគ្រាន់តែដឹងថា ក្រៅពីកន្សែងគ្របក្បាលរបស់កូនក្រមុំនោះ ឈុតផ្សេងទៀតជាស្នាដៃផ្ទាល់របស់កូនកម្លោះ ។ ខ្សែក ក្រវិល គឺជារបស់ធ្វើពី… ជ័រទាំងអស់ ។ បាច់ផ្កាក៏ជាផ្កាព្រៃ ដែលកូនកម្លោះដើរប្រមូលបេះ ។
ទោះបីអ្វីៗពុំបាន “រលូនតាមប្រពៃណី” ក្តី ប៉ុន្តែស្នាមញញឹមរបស់កូនក្រមុំ បានគ្របដណ្តប់លើអ្វីៗគ្រប់យ៉ាង ធ្វើឲ្យវាមានរស្មីនៃសុភមង្គល ។ ម្យ៉ាងទៀតបើកុំតែធ្វើពីថង់សំរាម នោះរ៉ូបកូនក្រមុំក៏ពិតជាគួរឲ្យ… គយគន់ ។
ថ្វីបើសាមញ្ញៗតែនាងពុំជ្រុះបាត់ស្នាមញញឹមឡើយ ។
ក្រោយពេលរឿងរ៉ាវត្រូវបានទម្លាយចេញលើបណ្តាញសង្គម ក៏បានបង្កជាចំណាប់អារម្មណ៍ខ្លាំង ។ គេនាំគ្នាជូនពរដល់ស្នេហារបស់អ្នកទាំងពីរ ឲ្យប្រកបតែសុភមង្គល និងស្នាមញញឹមជារៀងរហូត ។
មនុស្សម្នាក់បានធ្វើការប្រៀបធៀប ដោយវីដេអូរវាងកូនក្រមុំអ្នកក្រស្លៀកថង់សំរាម តែញញឹមស្រស់ ជាមួយទឹកមុខនិងបទចម្រៀងដ៏កម្សត់របស់កូនក្រមុំអ្នកមានម្នាក់ដែលអ្វីៗក៏មាន តែគ្មានសោះ…ស្នាមញញឹម ៕ ចន្ទ្រា
ប្រិយមិត្តទស្សនាវីដេអូ
