ស្រីស្អាតម្នាក់ បានកំពុងធ្វើឲ្យគេចាប់អារម្មណ៍ផ្ទុះសំណើចហួសចិត្តជាខ្លាំង បន្ទាប់ពីវីដេអូរបស់នាងដែលកំពុងត្រូវបានបន្តចែករំលែក បង្ហាញឲ្យឃើញនាងបានធ្វើទង្វើមិនសមរម្យមួយ «លួចកឹបកេង» កំប៉ុងទឹកក្រូច, ស្រាបៀរ ចេញពីលើតុអាហារក្នុងពិធីមង្គលការគេមួយ ញាត់ឡើងពីកាបូបតែម្តង ដើម្បីផ្ញើដល់អ្នកផ្ទះរបស់នាង ។
ទោះយ៉ាងណា ស្រីស្អាតពោរពេញទៅដោយទឹកមុខដ៏រីករាយ និងពូកែលេងសើចម្នាក់នេះ បានបង្ហោះវីដេអូនេះរបស់នាង និងដាក់ចំណងជើងដំបូងថា៖ «យូរៗគេហៅកម្មវិធីម្ដង?ងាយណាលោក?» ។ ហើយវីដេអូរបស់នាង ត្រូវបានគេមើលឃើញយ៉ាងច្បាស់ថានាងធ្វើរឿងនេះឡើង គឺគ្រាន់តែជាការសម្តែងប៉ុណ្ណោះ ខណៈឲ្យមិត្តភក្តិរបស់នាងថត ដើម្បីអប់រំដល់អ្នកដទៃដែលទៅចូលរួមក្នុងពិធីផ្សេងៗ កុំធ្វើធ្វើបែបនេះដូចជារូបនាង ព្រោះវាទង្វើមិនសមរម្យនោះទេ ដែល «សង្វាត» វេចខ្ចប់ ដើម្បីតែគ្រួសារខ្លួននៅឯផ្ទះ មិនក្រែងរអែងដល់ចិត្តអ្នកដទៃ ។
ប៉ុន្តែ ខណៈមនុស្ស ៩៩% ថារឿងមួយនេះ គឺជាការសម្តែងសុទ្ធសាធ ស្រាប់តែតារាហ្វេស៊បុក K01 នៅមិនសុខ ធ្វើឲ្យអ្នកលេងហ្វេសប៊ុកជាច្រើនជេរប្រទេចឡើងម៉ាឆ្ងាញ់ បន្ទាប់ពីគាត់បានចេញវីដេអូខ្លីមួយ និយាយរិះគន់ផង និងនិយាយល្អផង ទៅលើសកម្មភាព «មិនសមរម្យ» មួយនេះរបស់ស្រីស្អាតខាងលើ ដែលគ្រប់ៗគ្នាគេថានាងគ្រាន់តែសម្តែងសោះ ។
បន្ទាប់ពីឃើញ K01 ចេញវីដេអូធ្វើឲ្យគេផ្ទុះកំហឹង នាងក៏បានបង្ហោះសារតបថា៖ «អគុណលោកពូរសម្រាប់ការអប់រំ?», «ម្ចាស់ Acc អ្នកផុសសោះប៉ុននិងហេីយនៅមិនយល់ទៀត?» ៕
ដោយ៖ ចន្ទី