ផ្ទាំងគំនូរ “Girl with a Balloon” របស់វិចិត្រករ Banksy បានត្រូវកម្ទេចដោយស្វ័យប្រវត្តិ បន្ទាប់ពីដេញថ្លៃចាប់ ។
ផ្ទាំងគំនូរ “Girl With a balloon” បានស្វ័យកម្ទេចខ្លួនឯង ធ្វើឲ្យអ្នកទស្សនាស្រឡាំងកាំង… មិនយល់ ។
នៅក្នុងពិធីដាក់ដេញថ្លៃ វិចិត្រសិល្បៈទំនើបប្រព្រឹត្តទៅនៅ Sotheby’s London ថ្ងៃទី ៥ ខែតុលា ផ្ទាំងគំនូរ “Girl With a balloon” ត្រូវបានលក់តម្លៃ ១,៣៧ USD ។ ប៉ុន្តែចំខណៈពេលការកំណត់ថ្លៃចុងក្រោយនោះ ហេតុការណ៍ចម្លែកមួយបានកើតឡើង ។
អ្នកចូលរួមក្នុងពិធីដេញថ្លៃពិតជាស្លុតអារម្មណ៍យ៉ាងខ្លាំងពេលដែលផ្ទាំងគំនូរធ្លាក់ចុះផ្នែកគ្រោង រួចត្រូវកាត់ជាបំណែកតូចៗ ។ មនុស្សជាច្រើនគិតថា គឺវិចិត្រករ Banksy នេះឯងជាអ្នកឈរនៅពីក្រោយហេតុការណ៍នេះ ។
វិចិត្រករគូរផ្ទាំងគំនូរនេះ បានបង្កប់ម៉ាស៊ីនកម្ទេចស្វ័យប្រវត្តិនៅផ្នែកខាងក្រោយ នៃគ្រោងឆ្អឹងបាក់រូបគំនូរ ។
ការពិតនៅខាងលើ ពុំខុសឡើយ ។ នៅថ្ងៃទី ៦ ខែតុលា លោក Banksy បានបង្ហោះខ្សែវីដេអូមួយនៅលើ Instagram ទម្លាយប្រាប់ថា ធ្លាប់បានច្នៃបង្កើតបរិក្ខារកាត់ក្រដាសបញ្ជាបានពីចម្ងាយ ហើយបង្កប់ទុកតាំងពីប៉ុន្មានឆ្នាំមុន បង្ការករណីវាត្រូវបានគេយកទៅដេញថ្លៃលក់ ។
ម្ចាស់ផ្ទាំងគំនូរបានសរសេរលើ Instagram ថា ៖ “ភាពជំរុញឲ្យបំផ្លាញចោល ក៏ជាការជំរុញឲ្យច្នៃប្រឌិត” ។
ថ្វីបើត្រូវកាត់ខ្ទេចយ៉ាងនេះក្តី បើតាមលោក Alex Branczik នាយករបស់ Sotheby នោះ បំណែកខ្ទេចនៃផ្ទាំងគំនូរ អាចនឹងធ្វើឲ្យវាមានតម្លៃជាងពេលស្ថិតនៅសភាពដើមទៀត ៕ ចន្ទ្រា
ប្រិយមិត្តទស្សនាវីដេអូ ៖