ភ្នំពេញ៖ ក្រុមកីឡាប៉េតង់បានមកដល់មាតុភូមិកម្ពុជា ក្រោយឈ្នះមេដាយមាស ការប្រកួតកីឡាប៉េតង់ពានរង្វាន់អន្តរជាតិ នៅប្រទេសបារាំង កាលពីព្រឹកថ្ងៃទី១៦ខែតុលានេះ។
អបអរសាទរ វីរកីឡាការិនី កែ ឡេង និងវីរកីឡាការិនី អ៊ុក ស្រីមុំ ទទួលបានមេដាយមាស ក្នុងការប្រកួតកីឡាប៉េតង់ជ្រើសរើសជើងឯកកម្រិតពិភពលោក នៅប្រទេសបារាំង ។
មេដាយមាស ១គ្រឿង លើវិញ្ញាសាទី១ វាយគូនារី ២នាក់ទល់នឹង ២នាក់ ដែលដណ្ដើមបានដោយ វីរកីឡាការិនី កែ ឡេង និងវីរកីឡាការិនី អ៊ុក ស្រីមុំ នៅក្នុងការប្រកួតកីឡាប៉េតង់ជ្រើសរើសជើងឯកកម្រិតពិភពលោក នៅប្រទេសបារាំង ដែលការប្រកួតនេះគឺត្រូវបានរៀបចំឡើងដោយអញ្ជើញតែជើងខ្លាំងៗ ប្រចាំតំបន់នីមួយៗចូលរួមប្រកួត ដោយម្ចាស់ផ្ទះបារាំងដែលជាស្ថាបនិកកីឡាប៉េតង់ ក្នុងនោះកម្ពុជាក៏បានបញ្ជូនកីឡាករ-កីឡាការិនី ៦រូបទៅចូលរួមផងដែរ៕ ដោយ៖កូឡាប