តាម RT នៅថ្ងៃទី១៦ ខែតុលា ឱ្យដឹងថា រដ្ឋាភិបាលរុស្ស៊ីកំពុងមានផែនការយ៉ាងសម្ងាត់ សំដៅលុបបំបាត់ចោលការចំណុះលើប្រាក់ដុល្លារ និងជួយឱ្យផលិតករក្នុងស្រុកទទួលបានប្រាក់ចំណេញច្រើនជាងប្រសិនបើធ្វើការទូទាត់ជំនួញដោយប្រាក់រូបិ៍(ruble)។
នេះគឺជាផែនការលំអិតដើម្បីអនុវត្តន៍ផែនការត្រូវបានដាក់ចេញមុននោះ គឺបណ្តាក្រុមហ៊ុននាំចេញនឹងត្រូវបានទូទាត់ពន្ធ VATលឿនជាងមុន ព្រមទាំងអាទិភាពមួយចំនួនទៀតប្រសិនបើបោះបង់ចោលការទូទាត់ដោយប្រើប្រាក់ដុល្លារនោះ។
បញ្ជីលំអិតកំពុងត្រូវបានក្រសួងពាក់ព័ន្ធនៅប្រទេសនេះរៀបចំដើម្បីដាក់ជូននាយករដ្ឋមន្ត្រី Dmitry Medvedev ។
មុននោះមន្ត្រីរុស្ស៊ីឱ្យដឹងថា ផែនការនេះនឹងពុំហាមឃាត់ការធ្វើចរាចរប្រាក់ដុល្លារនៅរុស្ស៊ីទេ ប៉ុន្តែនឹងមានវិធានការទប់ សំដៅជំរុញការធ្វើ ពាណិជ្ជកម្មទូទាត់ដោយរូបិយប័ណ្ណក្នុងស្រុក(ប្រាក់រូបិ៍(ruble))។ផែនការនេះក៏ពុំបានហាមឃាត់បណ្តាស្ថាប័នឥណទានផ្តល់ប្រាក់កម្ចីជាប្រាក់ដុល្លារ ប៉ុន្តែផលចំណេញនឹងទាបជាងប្រសិនបើពួកគេផ្តល់ប្រាក់កម្ចីជាប្រាក់ប្រាក់រូបិ៍(ruble)នោះ៕សូយន